40000 അഫ്ഗാൻ പൗരന്മാർക്ക് അഭയം നല്കും : കാനഡ

ഒട്ടാവ: അഫ്ഗാനിൽ താലിബാൻ ഭരണം പിടിച്ചെടുത്തതോടെ അഫ്ഗാനിൽ നിന്ന് പലായനം ചെയ്ത അഭയാർത്ഥികളെ സ്വീകരിക്കാനൊരുങ്ങി കാനഡ.

40,000 അഭയാർത്ഥികളെ കാനഡ ഇരു കൈയും നീട്ടി സ്വാഗതം ചെയ്യുന്നു. രാജ്യത്തെ പൗരന്മാർ ഇവരുടെ സംരക്ഷണത്തിനും സുരക്ഷയ്ക്കും വേണ്ട സജ്ജീകരണങ്ങൾ ഒരുക്കണം' കനേഡിയൻ പ്രധാനമന്ത്രി ജസ്റ്റിൻ ട്രൂഡോ ട്വിറ്ററിൽ കുറിച്ചു. ജി 20 ഉച്ചകോടിയിൽ അഫ്ഗാൻ വിഷയം ചർച്ച ചെയ്ത ശേഷമാണ് ട്രൂഡോ ഇക്കാര്യം അറിയിച്ചത്. അഫ്ഗാൻ ജനതയുടെ അവകാശങ്ങൾ സംരക്ഷിക്കാൻ ലോക രാജ്യങ്ങൾ ഒറ്റക്കെട്ടായി പ്രവർത്തിക്കുമെന്ന് കനേഡിയൻ പ്രധാനമന്ത്രി ട്വിറ്ററിൽ കുറിച്ചു. അതേ സമയം അഭയാർത്ഥികൾക്കായി പ്രതിവർഷം 3,000 വിസകൾ നല്കുമെന്ന് ആസ്‌ട്രേലിയയും അറിയിച്ചിട്ടുണ്ട്.