തിരുവനന്തപുരം: സ്വീഡിഷ് ചലച്ചിത്രമേളയിൽ മലയാളിക്ക് മികച്ച നടനുള്ള പുരസ്കാരം. ഡോ. മാത്യു മാമ്പ്രയാണ് സ്വീഡിഷ് അന്താരാഷ്ട്ര ചലച്ചിത്രമേളയിൽ നല്ല നടനുള്ള സിഫ് (SIFF) അവാർഡ് ഓഫ് എമിനൻസ് പുരസ്കാരം സ്വന്തമാക്കിയത്. ഷാനുബ് കരുവാത്ത് രചനയും സംവിധാനവും നിർവഹിച്ച 'വെയിൽ വീഴവേ' എന്ന ചിത്രത്തിലെ 72 കാരനായ നായക കഥാപാത്രത്തെ അവതരിപ്പിച്ചതിനാണ് ഡോ.മാത്യു മാമ്പ്ര പുരസ്കാരത്തിന് അർഹനായത്. ചെരാതുകൾ, ദേവലോക തുടങ്ങിയ ചിത്രങ്ങളിൽ ഇദ്ദേഹം നേരത്തേ അഭിനയിച്ചിട്ടുണ്ട്. കുഞ്ചാക്കോ ബോബൻ നായകനായ നായാട്ടാണ് മേളയിലെ ഈ വർഷത്തെ മികച്ച സിനിമ .