തിരുവനന്തപുരം: കേരള സർവകലാശാല ആഗസ്​റ്റിൽ നടത്തിയ എം.എ. ഇസ്ലാമിക് ഹിസ്​റ്ററി, എം.എസ്‌സി. കൗൺസലിംഗ് സൈക്കോളജി സ്‌പെഷ്യൽ പരീക്ഷാഫലം പ്രസിദ്ധീകരിച്ചു. സൂക്ഷ്‌മപരിശോധനയ്‌ക്ക് 16 വരെ അപേക്ഷിക്കാം.

നവംബറിൽ വിജ്ഞാപനം ചെയ്ത സി.ബി.സി.എസ്. ബി.എസ്‌സി. നാലാം സെമസ്​റ്റർ മേഴ്സിചാൻസ് (2010 - 2012 അഡ്മിഷൻ) പരീക്ഷാഫലം പ്രസിദ്ധീകരിച്ചു. പുനർമൂല്യനിർണ്ണയത്തിന് 16 വരെ അപേക്ഷിക്കാം.

മാർച്ചിലെ മൂന്നാം സെമസ്​റ്റർ എം.എസ്‌സി കംപ്യൂട്ടർ സയൻസ് പരീക്ഷയുടെ പ്രാക്ടിക്കൽ 16, 17, 19, 20 തീയതികളിൽ നടത്തും.

നാലാം സെമസ്​റ്റർ ബി.ടെക് ഡിസംബർ 2021 (2008 & 2013 സ്‌കീം) കംപ്യൂട്ടർ സയൻസ്, ഇൻഫർമേഷൻ ടെക്‌നോളജി ബ്രാഞ്ചുകളുടെ പ്രാക്ടിക്കൽ പരീക്ഷകൾ 10 ന് കാര്യവട്ടം യൂണിവേഴ്സി​റ്റി കോളേജ് ഒഫ് എൻജിനിയറിംഗിൽ നടത്തും.

ഏപ്രിലിൽ നടത്തിയ ആറാം സെമസ്​റ്റർ കരിയർ റിലേ​റ്റഡ് സി.ബി.സി.എസ്.എസ്. ബി.സി.എ. കോഴ്സിന്റെ പ്രാക്ടിക്കൽ 10, 11 തീയതികളിലും ആറാം സെമസ്​റ്റർ കരിയർ റിലേ​റ്റഡ് സി.ബി.സി.എസ്. ബി.എ ഇംഗ്ലീഷ് ആന്റ് കമ്മ്യൂണിക്കേ​റ്റീവ് ഇംഗ്ലീഷിന്റെ പ്രോജക്ട് ആന്റ് വൈവ വോസി പരീക്ഷ 12, 13 തീയതികളിലും നടത്തും.

10 ന് നടത്തുന്ന രണ്ടാം സെമസ്​റ്റർ ബാച്ച്ലർ ഒഫ് ഹോട്ടൽ മാനേജ്‌മെന്റ് ആൻഡ് കാ​റ്ററിംഗ് ടെക്‌നോളജി (ബി.എച്ച്.എം.സി.​റ്റി.), ഡിസംബർ 2021 (2020 അഡ്മിഷൻ) സ്‌പെഷ്യൽ പരീക്ഷാടൈംടേബിൾ പ്രസിദ്ധീകരിച്ചു.

ഏഴാം സെമസ്​റ്റർ (2018 സ്‌കീം - റെഗുലർ - 2018 അഡ്മിഷൻ, 2014 സ്‌കീം - സപ്ലിമെന്ററി - 2014 - 2017 അഡ്മിഷൻ, 2011 സ്‌കീം - മേഴ്സിചാൻസ് - 2011 അഡ്മിഷൻ) ബാച്ച്ലർ ഒഫ് ഹോട്ടൽ മാനേജ്‌മെന്റ് ആൻഡ്കാ​റ്ററിംഗ് ടെക്‌നോളജി (ബി.എച്ച്.എം/ബി.എച്ച്.എം.സി.​റ്റി) പരീക്ഷയ്ക്ക് പിഴകൂടാതെ 12 വരെയും 150 രൂപ പിഴയോടെ 17 വരെയും 400 രൂപ പിഴയോടെ 19 വരെയും അപേക്ഷിക്കാം.

ഏഴാം സെമസ്​റ്റർ പഞ്ചവത്സര ബി.എ/ബികോം/ബി.ബി.എ എൽ.എൽ.ബി. പരീക്ഷയ്ക്ക് പിഴകൂടാതെ 16 വരെയും 150 രൂപ പിഴയോടെ 19 വരെയും 400 രൂപ പിഴയോടെ 21 വരെയും അപേക്ഷിക്കാം.