ജോൺ എബ്രഹാം അനുസ്മരണം

കുട്ടനാട് : പ്രശസ്ത സിനിമാ സംവിധായകനും ചെറുകഥാകാരനുമായിരുന്ന ജോൺ എബ്രഹാം അനുസ്മരണ സമ്മേളനം ജോൺ എബ്രഹാം സ്മാരകസമിതിയുടെ നേതൃത്വത്തിൽ 30ന് നടക്കും. രാവിലെ 9 ന് നെടുമുടിയിൽ നടക്കുന്ന അനുസ്മരണത്തിൽ മംഗലശ്ശേരി പത്മനാഭൻ പതാക ഉയർത്തും. ചലച്ചിത്ര താരം പുന്നപ്ര അപ്പച്ചൻ പുഷ്പാർച്ചനയക്ക് നേതൃത്വം നൽകും. മുൻജില്ലാപഞ്ചായത്തംഗം കെ.കെ. അശോകൻ സമ്മേളനം ഉദ്ഘാടനം ചെയ്യും . കവി ഫിലിപ്പോസ് തത്തംപള്ളി അനുസ്മരണ പ്രഭാഷണം നടത്തും. വയലാർ ഗോപാലകൃഷ്ണൻ, ദേവസ്യ അരമന, ഡോ.തോമസ് പനക്കളം, നാസർ ഇബ്രാഹിം , ബി. ജോസുകുട്ടി, അലക്സ് നെടുമുടി, തോമസ് കുരുവിള, ടി.എസ്.പ്രദീപ് കുമാർ, അഗസ്റ്റിൻ ജോസ് തുടങ്ങിയവർ പങ്കെടുക്കും.