കൊച്ചി: സംസ്ഥാനത്ത് അഭ്യസ്തവി​ദ്യരായ 47,79,937 പേർ തൊഴിലന്വേഷകരായുണ്ടെന്ന് കുടുംബശ്രീ സർവേ. മേയ് 8 മുതൽ 15 വരെ 71,57,042 വീടുകൾ സന്ദർശിച്ചായി​രുന്നു വി​വരശേഖരണം. തൃക്കാക്കര ഉപതിരഞ്ഞെടുപ്പായതിനാൽ വൈകി​ ആരംഭി​ച്ച എറണാകുളം ജില്ലയിലെ സർവേ തുടരുകയാണ്. ഇരുപതോടെ ഇത് പൂർത്തിയാകും. അതോടെ സംഖ്യ ഇനിയും ഉയരും.

20 ലക്ഷം പേർക്ക് തൊഴിൽ നൽകുക എന്ന സർക്കാർ പദ്ധതിയുടെയും നോളേജ് ഇക്കോണമി മിഷന്റെ 'എന്റെ തൊഴിൽ എന്റെ അഭിമാനം' പ്രചാരണ പരി​പാടി​യുടെയും ഭാഗമായി​രുന്നു സർവേ. കുടുംബശ്രീയുടെ 73,500 എന്യൂമറേറ്റർമാർ പങ്കെടുത്തു.

വിദ്യാഭ്യാസ യോഗ്യതയുണ്ടായിട്ടും അനുയോജ്യമായ ജോലി ലഭിക്കാത്തവർ, കൊവിഡ് പ്രതിസന്ധിയിൽ ജോലിനഷ്ടമായവർ, പലകാരണങ്ങളാൽ ജോലിയിൽനിന്ന് ഇടവേള എടുക്കേണ്ടിവന്ന സ്ത്രീകൾ തുടങ്ങി​യവരെ പ്രത്യേകം പരി​ഗണി​ച്ചു. ഇവർക്ക് ഇംഗ്ലീഷ് ഭാഷാപഠനം, മോക് ഇന്റർവ്യൂ എന്നിവ നൽകും. തുടർന്ന് കെ-ഡിസ്കുമായി സഹകരിക്കുന്ന വിവിധ ഏജൻസികളിൽ അപേക്ഷിക്കാം. സ്ഥിരം, പാർട്ട് ടൈം, ഫ്രീലാൻസ് ജോലി​കളാണ് ലഭ്യം. വർക്ക് ഫ്രം ഹോം, വർക്ക് നിയർ ഹോം സംവിധാനങ്ങൾ ഉൾപ്പെടെയുള്ള സൗകര്യങ്ങളും ഒരുക്കും.

20 ലക്ഷംപേർക്ക് ജോലി നൽകാനാണ് ഉദ്ദേശമെങ്കിലും അതി​ലേറെപ്പേർക്ക് ലഭിക്കും. 2026 ഓടെ എല്ലാവർക്കും ജോലിയാണ് ലക്ഷ്യം.

ഡോ. സി. മധുസൂദനൻ,

സ്റ്റേറ്റ് പ്രോഗ്രാം മാനേജർ,

നോളജ് ഇക്കോണമി മിഷൻ.

ജില്ല തിരിച്ചുള്ള കണക്ക്

(എറണാകുളം ഒഴികെ)

തിരുവനന്തപുരം- 481283

കൊല്ലം- 499978

പത്തനംതിട്ട- 200409

ആലപ്പുഴ- 384227

കോട്ടയം- 309309

ഇടുക്കി- 174775

തൃശൂർ- 495660

പാലക്കാട്- 418696

മലപ്പുറം-596475

കോഴിക്കോട്- 492195

വയനാട്- 144869

കണ്ണൂർ- 383103

കാസർകോഡ്-198958

 തൊഴി​ൽ തേടുന്നത്

ആകെ: 47,79,937

സ്ത്രീകൾ: 58%

പുരുഷന്മാർ: 42%

(*ട്രാൻസ്ജെൻഡർ കണക്കുകൾ നി​ർണയി​ച്ചി​ട്ടില്ല )

 ഏറ്റവുമധികംപേർ മലപ്പുറത്തും കൊല്ലത്തും

മലപ്പുറം : 5,96,475

കൊല്ലം : 4,99,978

ഏറ്റവും കുറവ് വയനാടും ഇടുക്കിയിലും

വയനാട്: 144869

ഇടുക്കി: 174775

യോഗ്യതാക്കണക്ക്

 ഐ.ടി​.ഐ: 2,55,946

 ഡി​പ്ളോമ: 3,74,330

 പ്ളസ് ടു: 22,08,981

 ഡി​ഗ്രി : 14,62,598

 പി​.ജി: 4,78,086

പ്രായക്കണക്ക്

 20ൽ താഴെ: 5,52,139

 21- 30: 26,12,361

 31-40: 11,22,125

 41 - 50: 3,84,013

 51- 56: 94,476

 56ന് മുകളി​ൽ: 14,823