സ്‌തനാർബുദം  സ്ത്രീകളെ മാത്രമല്ല പുരുഷന്മാരെയും ബാധിക്കും; ഈ ഭക്ഷണം ശീലമാക്കിയാൽ ക്യാൻസർ വരില്ലെന്ന് പഠന റിപ്പോർട്ട്

ഇന്ത്യയിൽ വ്യാപകമായ രോഗങ്ങളിൽ ഒന്നാണ് സ്‌‌തനാർബുദം. ലക്ഷത്തില്‍ 25.8 പേര്‍ എന്ന തോതില്‍ രാജ്യത്തെ സ്ത്രീകളില്‍ സ്തനാര്‍ബുദം കണ്ടെത്തുന്നതായാണ് കണക്കുകള്‍ ചൂണ്ടിക്കാട്ടുന്നത്. ഇതിൽ 12.7ശതമാനം മരണവും സംഭവിക്കുന്നു. എന്നാൽ ഈ അസുഖം സ്ത്രീകളെ മാത്രമല്ല ലിംഗഭേദമില്ലാതെ ആരെയും ബാധിക്കാവുന്നതാണ്. സ്ത്രീകളെ പോലെ പുരുഷന്മാരിൽ സ്തനങ്ങളില്ലെങ്കിലും സ്തനകോശങ്ങളുള്ളതാണ് ഇതിന് കാരണം. തെറ്റായ ജീവിതശൈലി, അമിതവണ്ണം, ഉപാപചയ പ്രവർത്തനങ്ങളിലെ പ്രശ്നങ്ങൾ എന്നിവയാണ് സ്‌‌തനാർബുദം വരാനുള്ള പ്രധാന കാരണം.

എന്നാൽ അമേരിക്കൻ മെനോപോസ് സൊസൈറ്റി 1600പേരിൽ നടത്തിയ പഠനത്തിന്റെ അടിസ്ഥാനത്തിൽ ഒമേഗ-3 ഫാറ്റി ആസിഡുകൾ അടങ്ങിയ ഭക്ഷണങ്ങൾ കഴിക്കുന്നത് സ്ർതനാർബുദത്തെ തടയുന്നു എന്ന് കണ്ടെത്തി. മത്സ്യം പോലുള്ള സമുദ്രവിഭവങ്ങളിലാണ് ഇവ കൂടുതലായും കാണപ്പെടുന്നത്. ഹൃദ്‌രോഗം, പ്രമേഹം എന്നിവ തടയാനും ഒമേഗ-3 ഫാറ്റി ആസിഡ് അടങ്ങിയ ഭക്ഷണങ്ങൾ സഹായിക്കുന്നു. കൂടാതെ നാരുകൾ അടങ്ങിയ ഭക്ഷണങ്ങൾ, പഴങ്ങൾ, പച്ചക്കറികൾ എന്നിവ കഴിക്കുന്നതിലൂടെയും പാലുൽപ്പന്നങ്ങൾ കഴിക്കുന്നതിന്റെ അളവ് കുറയ്ക്കുന്നതിലൂടെയും സ്‌‌തനാർബുദം വരുന്നത് തടയാം എന്നും ഗവേഷകർ അഭിപ്രായപ്പെടുന്നു.

ഭക്ഷണങ്ങൾ

മത്തി, സാൽമൺ, ഒലിവ് ഓയിൽ, ഫ്ലാക്‌സ് സീഡ്, വാൾനട്ട്‌, ചിയ സീഡ് എന്നിവയാണ് ഒമേഗ-3 കൂടുതലായി അടങ്ങിയ ഭക്ഷണങ്ങൾ. ശരീരത്തിനാവശ്യമായ പോഷകങ്ങൾ ലഭിക്കാനായി ഇവ ദിവസവും ഭക്ഷണത്തിൽ ഉൾപ്പെടുത്താനാണ് വിദഗ്ദ്ധർ പറയുന്നത്.