റിമ്പോച്ചെ തിരിച്ചെത്തിയേ... ഈ താരപുത്രിയാരാണെന്ന് മനസിലായോ?​ ചിത്രങ്ങൾ വൈറൽ

യോദ്ധയിലെ അക്കോസേട്ടന്റെ റിമ്പോച്ചെയെ ഓർമയുണ്ടോ? കുട്ടിത്താരത്തെ ഓർമിപ്പിക്കും വിധമുള്ള ഒരു താരപുത്രിയുടെ ചിത്രങ്ങൾ സമൂഹമാദ്ധ്യമങ്ങളിൽ വൈറലായിക്കൊണ്ടിരിക്കുകയാണ്. ആരാണ് ആ താരപുത്രി എന്നല്ലേ?

അവതാരകയും നടിയുമായ പേളി മാണിയുടെയും നടൻ ശ്രീനിഷ് അരവിന്ദിന്റെയും പൊന്നോമനയായ നിലയാണ് ആ താരപുത്രി. മൊട്ടയടിച്ച്, ഒറ്റനോട്ടത്തിൽ ലാമയെപ്പോലെ തോന്നിപ്പിക്കുന്ന നിലയാണ് ചിത്രങ്ങളിലുള്ളത്.

ഇൻസ്റ്റഗ്രാമിലൂടെയാണ് പേളി ചിത്രങ്ങൾ പങ്കുവച്ചിരിക്കുന്നത്. താരങ്ങൾ അടക്കം നിരവധി പേരാണ് പോസ്റ്റിന് കമന്റ് ചെയ്തിരിക്കുന്നത്. റിമ്പോച്ചെ തിരികെയെത്തിയെന്നാണ് നടി ശിൽപ ബാലയുടെ കമന്റ്‌.

View this post on Instagram

A post shared by Pearle Maaney (@pearlemaany)

ജനിച്ച നാൾ മുതൽ സോഷ്യൽ മീഡിയയിൽ താരമാണ് നില. കുഞ്ഞിന്റെ കൊച്ചു കൊച്ചു വിശേഷങ്ങൾ പോലും പേളി സമൂഹമാദ്ധ്യമങ്ങളിലൂടെ പങ്കുവയ്ക്കാറുണ്ട്. കഴിഞ്ഞ മാർച്ചിലായിരുന്നു നിലയുടെ ഒന്നാം പിറന്നാൾ. ജന്മദിനാഘോഷ ചിത്രങ്ങൾ അന്ന് സോഷ്യൽ മീഡിയയിൽ വൈറലായിരുന്നു.