ഗർഭിണി ശ്രദ്ധിക്കേണ്ട ചില ഭക്ഷണ ക്രമങ്ങളുണ്ട്. ആഹാരത്തിൽ കുഞ്ഞിന്റെ വളർച്ചയ്ക്കു വേണ്ടുന്ന പോഷകാഹാരങ്ങൾ ഉൾപ്പെടുത്തുകയാണ് ഓരോ അമ്മമാരും ആദ്യം ചെയ്യേണ്ടത്. പോഷകാഹാരങ്ങളുടെ കുറവ് അമ്മയെക്കാൾ കൂടുതലായി കുട്ടികളെയാണ് ബാധിക്കുന്നത്. പ്രോട്ടീൻ, മിനറൽസ്, വിറ്റാമിനുകൾ എന്നിവയെല്ലാം ആഹാരത്തിൽ ഉൾപ്പെടുത്താൻ പ്രത്യേകം ശ്രദ്ധിക്കണം. എങ്കിൽ മാത്രമേ അമ്മയും കുഞ്ഞും പൂർണ ആരോഗ്യമുള്ളവരായി തീരൂ.. ശരീരത്തിനു വേണ്ടുന്ന ഊർജം പ്രദാനം ചെയ്യുന്നത് കാർബോഹൈഡ്രേറ്റുകളാണ്. ഇത് ഏറ്റവുമധികം അടങ്ങിയിട്ടുള്ള ഭക്ഷണ സാധനങ്ങൾ കഴിക്കാൻ ഗർഭിണി പ്രത്യേകം ശ്രദ്ധിക്കണം. കിഴങ്ങുവർഗങ്ങൾ, പയറുവർഗങ്ങൾ. പഴങ്ങൾ, സ്റ്റാർച്ച്, ഷുഗർ, സെല്ലുലോയിഡ് എന്നിവയടങ്ങിയ ധാന്യങ്ങൾ തുടങ്ങിയവയിലെല്ലാം തന്നെ ധാരാളമായി കാർബോഹൈഡ്രേറ്റുകൾ അടങ്ങിയിട്ടുണ്ട്. ഇവയെല്ലാം ഡോക്ടറുമായും ഡയറ്റീഷ്യനുമായും ചർച്ച ചെയ്ത് മനസിലാക്കണം.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |