അശ്വതി: അബദ്ധങ്ങളിൽ ചെന്ന് ചാടാതിരിക്കാൻ ശ്രദ്ധിക്കണം. വിദ്യാഭ്യാസ ആവശ്യങ്ങൾക്കായി അലയാനിടയുണ്ട്. പുതിയ വീട്ടിൽ താമസിക്കാനുള്ള സാഹചര്യങ്ങൾ ഒരുക്കും.
ഭരണി : ഭരണപരമായി സ്വസ്ഥത നഷ്ടപ്പെടും. രോഗനിർണയാവശ്യങ്ങൾക്കും ശസ്ത്രക്രിയയ്ക്കും വേണ്ടി ആശുപത്രി വാസം വേണ്ടിവരും.
കാർത്തിക: കാത്തിരുന്ന അവസരം ശരിയായി പ്രയോജനപ്പെടുത്തും. വിദേശ നിർമ്മിത വസ്തുക്കൾ പാരിതോഷികമായി ലഭിക്കും.
രോഹിണി: രോഗപ്രതിരോധശക്തി വർദ്ധിപ്പിക്കാനുള്ള ഔഷധങ്ങൾ സേവിക്കും. പ്രമാണങ്ങളിലൊപ്പുവയ്ക്കേണ്ടിവരും. പൊതുവേദികളിൽ പ്രത്യക്ഷപ്പെടും.
മകയിരം: മറക്കാനാവാത്ത ചില സംഭവങ്ങൾ ജീവിതത്തിൽ ഉണ്ടാകാൻ സാദ്ധ്യതയുണ്ട്. ഭാഗ്യക്കുറിയോ ചിട്ടിയോ ലഭിക്കും. മൃഗങ്ങളിൽ നിന്നും കീടങ്ങളിൽ നിന്നും ശല്യം അനുവഭപ്പെടും.
തിരുവാതിര: തിരക്കിൽ നിന്ന് ഒഴിഞ്ഞുമാറി നിൽക്കുകയാണ് നല്ലത്. മേലധികാരികളുടെ അഭിനന്ദനവും പ്രോത്സാഹനവും ലഭിക്കും.
പുണർതം: പുണ്യപ്രവർത്തികൾ ചെയ്യും. പുരാതന വസ്തുക്കൾ വിറ്റഴിക്കും. കലാപ്രകടനങ്ങൾ കണ്ടാസ്വദിക്കും.
പൂയം: പൂജാകാര്യങ്ങൾക്കായി ധനവും സമയവും ചെലവഴിക്കും. വിരുന്നുസത്കാരങ്ങളിൽ പങ്കെടുക്കും.
ആയില്യം: ആശ്ചര്യപ്പെടുത്തുന്ന സംഭവങ്ങൾക്ക് സാക്ഷ്യം വഹിക്കും. ശത്രുശല്യം ഉണ്ടാകും.
മകം: മനസിനിണങ്ങിയ ജീവിതപങ്കാളിയെ ലഭിക്കും. ഉത്സാഹവും ഉന്മേഷവും കൂടിവരും. വിജ്ഞാനപ്രദമായ ആശയങ്ങൾ പങ്കുവയ്ക്കും.
പൂരം: പൂർവികസ്വത്ത് വ്യവഹാരവിധി പ്രകാരം ലഭിക്കും. സന്താന സൗഭാഗ്യമുണ്ടാകും. മത്സരപ്പരീക്ഷകളിൽ വിജയം.
ഉത്രം: ഉദ്ദിഷ്ട കാര്യസിദ്ധി, കർമ്മമണ്ഡലങ്ങളിൽ കഴിവുതെളിയിക്കൽ, ഗവേഷകർക്കും ശാസ്ത്രജ്ഞർക്കും അനുകൂല സാഹചര്യം.
അത്തം: അപകടങ്ങളിൽ നിന്ന് രക്ഷപ്പെടും. അസുഖക്കാരിൽ നിന്ന് ശല്യം. എഴുത്തുകുത്തുകൾ മൂലം ഗുണാനുഭവം.
ചിത്തിര: ചിരകാലാഭിലാഷം പൂവണിയും. ഐശ്വര്യപ്രദവും ആനന്ദപ്രദവുമായ ജീവിതം നയിക്കാനിടവരും.
ചോതി: ചോരഭയം, രോഗഭയം, ശത്രുഭയം എന്നിവ അനുഭവപ്പെടും. കക്ഷിരാഷ്ട്രീയ പ്രവർത്തനങ്ങളിൽ പരാജയപ്പെടും.
വിശാഖം: വിശ്വാസ വഞ്ചനയ്ക്ക് പാത്രമാകാതിരിക്കാൻ ജാഗ്രത. സുഹൃത്തുക്കൾക്കും ബന്ധുക്കൾക്കും സാമ്പത്തിക സഹായംചെയ്യും. മനസിൽ ഭീതിവരും.
അനിഴം: അനിയന്ത്രിതമായ ചെലവുകൾ ഉണ്ടാകാനിടവരും. സന്താനങ്ങൾക്ക് ഉപരിപഠനത്തിന് അവസരം. ഗുരുനാഥന്മാരുടെ അനുഗ്രഹം ലഭിക്കും.
തൃക്കേട്ട: തൃപ്തികരമായ പെരുമാറ്റം. മുൻകോപം നിയന്ത്രിക്കണം. വിദേശത്തു താമസിക്കാനുള്ള ക്ഷണം നിരസിക്കും.
മൂലം: മൂടിവച്ചിരുന്ന രഹസ്യം പുറത്തുവരും. വിരോധികൾ സുഹൃത്തുക്കളായി മാറും. കുടുംബജീവിതത്തിൽ സന്തോഷം.
പൂരാടം: പൂർത്തീകരിക്കാതെ കിടക്കുന്ന വീടുപണി പൂർത്തിയാക്കും. സർക്കാരിൽ നിന്ന് ആനുകൂല്യങ്ങൾ ലഭിക്കും. സാഹിത്യരചന തുടങ്ങും.
ഉത്രാടം: ഉത്തമവ്യക്തികളെ പരിചയപ്പെടും. ചെറിയ കാര്യങ്ങളെ പെരുപ്പിച്ച് സംസാരിക്കും. കുടുംബസൗഖ്യം അനുഭവപ്പെടും.
തിരുവോണം: തിരിച്ചടി ലഭിക്കാനിടയുണ്ട്. പിന്തള്ളപ്പെടുമെന്ന അവസ്ഥയെ അതിജീവിക്കും.
അവിട്ടം: അവിവേകം പ്രവർത്തിക്കാനുള്ള സാഹചര്യങ്ങളിൽ നിന്ന് പിന്മാറും. താമസം മാറേണ്ടിവരും. നല്ല വിജയം കൈവരിക്കും.
ചതയം: ചതവ്, മുറിവ് ഉണ്ടാകാതെ സൂക്ഷിക്കുക. ഭക്ഷ്യവിഷബാധയേൽക്കാതെ ശ്രദ്ധിക്കണം. ഈശ്വര വിശ്വാസം കൂടും.
പൂരുരുട്ടാതി: പൂർത്തീകരിക്കാൻ ഇതുവരെ കഴിയാത്ത ഗ്രന്ഥരചന വീണ്ടും തുടങ്ങിവയ്ക്കും. അയൽക്കാരിൽ നിന്ന് ശല്യമനുഭവപ്പെടും. പൂർവകാല സുഹൃത്തുക്കളെ കണ്ടുമുട്ടും.
ഉത്രട്ടാതി: ഉന്നമനത്തിനായി അഹോരാത്രം അദ്ധ്വാനിക്കും. വിദേശയാത്രക്കുള്ള അനുമതി ലഭിക്കും. വിരുന്നുസത്കാരങ്ങളിൽ പങ്കെടുക്കും.
രേവതി: രേഖാപരമായി തെളിയിക്കുക വഴി വ്യവഹാര വിജയം സാദ്ധ്യമാക്കും. രാഷ്ട്രീയപരമായി ഉന്നതി ലഭിക്കും.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |