തിരുവനന്തപുരം: കേരള സർവകലാശാലയിൽ അഫിലിയേറ്റ് ചെയ്തിട്ടുള്ള കോളേജുകളിലെ പി.ജി കോഴ്സിലേക്ക് സ്പോർട്സ് ക്വാട്ട പ്രവേശനത്തിന് ഓൺലൈനായി അപേക്ഷിച്ചവരുടെ സർട്ടിഫിക്കറ്റ് വെരിഫിക്കേഷൻ പൂർത്തിയായി. വിദ്യാർത്ഥികൾക്ക് തങ്ങളുടെ പ്രൊഫൈലിൽ ലോഗിൻ ചെയ്ത് പരിശോധിക്കാം. പരാതികൾ 12 നകം രേഖാമൂലം onlineadmission@keralauniversity.ac.in ൽ അയക്കണം. ഈ പരാതികൾ പരിഗണിച്ച ശേഷം റാങ്ക് ലിസ്റ്റ് പ്രസിദ്ധീകരിക്കും.
ഡിസംബറിൽ നടത്തിയ മൂന്നും നാലും സെമസ്റ്റർ എം.എ പൊളിറ്റിക്കൽ സയൻസ് (എസ്.ഡി.ഇ 2019 അഡ്മിഷൻ & സപ്ലിമെൻററി 2017, 2018 അഡ്മിഷൻ) വിദൂര വിദ്യാഭ്യാസ പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 13 വരെ അപേക്ഷിക്കാം.
രണ്ടാം സെമസ്റ്റർ സി.ബി.സി.എസ് ബി.എ/ ബി.എസ്.സി/ ബികോം (2021 അഡ്മിഷൻ റെഗുലർ, 2020 അഡ്മിഷൻ ഇംപ്രൂവ്മെന്റ്/ സപ്ലിമെൻററി, 2017, 2018, 2019 അഡ്മിഷൻ സപ്ലിമെൻററി, മേഴ്സി ചാൻസ്- 2013 - 2016 അഡ്മിഷൻ ) പരീക്ഷകൾ സെപ്റ്റംബർ 20 ന് തുടങ്ങും.
വിദൂരവിദ്യാഭ്യാസ കേന്ദ്രം നടത്തുന്ന എം.എ/ എം.എസ്സി/ എംകോം (പ്രീവിയസ് & ഫൈനൽ) സപ്ലിമെൻററി പരീക്ഷകളുടെ പരീക്ഷാകേന്ദ്രങ്ങളായ തിരുവനന്തപുരം അമ്പലത്തറ നാഷണൽ കോളേജ് , ശാസ്താംകോട്ട ഡി.ബി കോളേജ്, ചേർത്തല എസ്. എൻ കോളേജ് എന്നിവിടങ്ങളിൽ നിന്നും വിദ്യാർത്ഥികൾ ഹാൾ ടിക്കറ്റുകൾ വാങ്ങണം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |