ട്രാൻ. സ്റ്റാൻഡിലെ ജ്യൂസ് വില്പനക്കാരൻ കാലി​ലൂടെ ബസ് കയറി​ മരിച്ചു

ആലപ്പുഴ: കെ.എസ്.ആർ.ടി.സി ആലപ്പുഴ ഡിപ്പോയിൽ കുടിവെള്ളവും പാക്കറ്റ് ജ്യൂസും കൊണ്ടുനടന്നു കച്ചവടം ചെയ്യുന്നയാളുടെ കാലുകളിൽ ബസിന്റെ മുൻചക്രം കയറിയിറങ്ങി ഗുരുതര പരി​ക്കേറ്റ് മരി​ച്ചു. ആലപ്പുഴ ലജ്നത്ത് വാർഡ് പനയ്ക്കൽ പുരയിടത്തിൽ അസ്ലം (54) ആണ് കോട്ടയം മെഡി. ആശുപത്രിയിൽ ചികിത്സയിലിരിക്കേ ഇന്നലെ രാത്രി 8.30ന് മരിച്ചത്. രാവി​ലെ 11.30ന്

തിരുവനന്തപുരത്തു നിന്നു കോയമ്പത്തൂരിലേക്കു പോവുകയായി​രുന്ന സൂപ്പർ ഫാസ്റ്റ് ബസ് യാത്രക്കാരെ കയറ്റാനായി​ സ്റ്റാൻഡിലെത്തിയതി​നി​ടെയായി​രുന്നു അപകടം. അസ്ളമി​ന്റെ ഇടതുകാൽ ചതഞ്ഞു. ഉടൻതന്നെ ആലപ്പുഴ ജനറൽ ആശുപത്രിയിലും പിന്നീട് ആലപ്പുഴ മെഡി. ആശുപത്രിയിലേക്കും മാറ്റി​. തുടർന്നാണ് കോട്ടയം മെഡി. ആശുപത്രി​യി​ൽ എത്തി​ച്ചത്.
മൃതദേഹം ആലപ്പുഴ മെഡി. ആശുപത്രി മോർച്ചറി​യി​ൽ സൂക്ഷിച്ചിരിക്കുകയാണ്. രക്തം വാർന്നാണ് മരിച്ചതെന്നും ആലപ്പുഴ മെഡി. ആശുപത്രി​യി​ൽ മൂന്ന് മണിക്കൂറോളം കാര്യമായ ചികിത്സ ലഭി​ച്ചി​ല്ലെന്നും പിന്നീട് കോട്ടയത്തേക്ക് അയയ്ക്കുകയായി​രുന്നെന്നും ബന്ധുക്കൾ ആരോപി​ച്ചു. ഭാര്യ: ജാരിയത്ത്.
മക്കൾ: മനുസ്, മൺസൂൺ, അനൂജ്