തിരുവനന്തപുരം:വർക്കല പാപനാശത്ത് കടൽ ഉൾവലിഞ്ഞ പ്രദേശങ്ങളിലുള്ളവർ കടലിൽ ഇറങ്ങരുതെന്ന് ജില്ലാ കളക്ടർ ജെറോമിക് ജോർജ് അറിയിച്ചു.ബീച്ചിൽ ബലി മണ്ഡപത്തിനു സമീപമാണ് കടൽ 50 മീറ്ററോളം ഉൾവലിഞ്ഞത്.പ്രാദേശിക പ്രതിഭാസം മാത്രമാണ് കടൽ ഉൾവലിയാൻ കാരണമെന്ന് സംസ്ഥാന ദുരന്ത നിവാരണ അതോറിട്ടി അറിയിച്ചു.അറബിക്കടലിലോ ഇന്ത്യൻ മഹാസമുദ്രത്തിലോ ഭൂചലനമോ സുനാമി മുന്നറിയിപ്പോ നിലനിൽക്കുന്നില്ല.തികച്ചും പ്രാദേശികമായ കാറ്റിന്റെ അവസ്ഥ കൊണ്ടോ ഇന്ത്യൻ തീരത്ത് ഇന്ന് വൈകിട്ടോടെ നടന്ന ചന്ദ്രഗ്രഹണം കൊണ്ടോ ആകാം ഈ പ്രതിഭാസമെന്നും ദുരന്തനിവാരണ അതോറിട്ടി അറിയിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |