പൊരുതി നിന്ന് സർഫ്രാസ്; സമനില പിടിച്ച് പാകിസ്ഥാൻ

കറാച്ചി : ന്യൂസിലാൻഡിനെതിരായ രണ്ടാം ക്രിക്കറ്റ് ടെസ്റ്റിന്റെ അവസാന നിമിഷംവരെ പൊരുതിനിന്ന് സമനില പിടിച്ച പാകിസ്ഥാൻ രണ്ട് മത്സരപരമ്പരയും 0-0ത്തിന് സമനിലയിലാക്കി. കറാച്ചിയിൽ രണ്ടാം ടെസ്റ്റിന്റെ അവസാനദിവസം 319 റൺസ് വിജയലക്ഷ്യം തേടി പൂജ്യം റൺസിന് രണ്ട് വിക്കറ്റുകൾ എന്ന സ്കോറിൽ കളി തുടർന്ന പാകിസ്ഥാൻ അവസാനദിവസം കളി അവസാനിപ്പിക്കുമ്പോൾ 304/9 എന്ന നിലയിലെത്തിയിരുന്നു. സർഫ്രാസ് അഹമ്മദ്(118),ഷാൻ മസൂദ്(35),ബാബർ അസം(27),സൗദ് ഷക്കീൽ(32),ആഘ സൽമാൻ(30),നസീം ഷാ(15*) എന്നിവരുടെ പോരാട്ടമാണ് പാകിസ്ഥാന് സമനില നൽകിയത്.ഒരു ഘട്ടത്തിൽ പാകിസ്ഥാന് വിജയസാദ്ധ്യതയുണ്ടായിരുന്നെങ്കിലും കളി തീരാൻ 21 പന്തുകൾ ശേഷിക്കേ സർഫ്രാസ് പുറത്തായതോടെ നസീം ഷായും അബ്രാർ അഹമ്മദും പിടിച്ചുനിന്ന് സമനിലനേടി.

പരമ്പരയിലാകെ 335 റൺസ് നേടിയ സർഫ്രാസാണ് മാൻ ഒഫ് ദ മാച്ചും മാൻ ഒഫ് ദ സിരീസും

സ്കോർ ബോർഡ്

ന്യൂസിലാൻഡ് ഒന്നാം ഇന്നിംഗ്സ് 449

പാകിസ്ഥാൻ ഒന്നാം ഇന്നിംഗ്സ് 408

ന്യൂസിലാൻഡ് രണ്ടാം ഇന്നിംഗ്സ് 277/5 ഡിക്ല.

പാകിസ്ഥാൻ രണ്ടാം ഇന്നിംഗ്സ് 304/9