തിരുവനന്തപുരം ; പൊതുവഴിയിൽ മദ്യപിച്ച് ബഹളമുണ്ടാക്കിയ സി.പിഎം മുനിസിപ്പഷ കൗൺസിലർ അടക്കം ഏഴു പേരെ പൊലീസ് അറസ്റ്റുചെയ്തു. പത്തനംതിട്ട കൗൺസിലർ വി.ആർ. ജോൺസണാണ് അറസ്റ്റിലായത്. എസ്.എഫ്.ഐ മുൻ ജില്ലാ സെക്രട്ടറി ശരത് ശശിധരൻ,​ സജിത്ത്,​ അരുൺ ചന്ദ്രൻ,​ ഷിബൻ,​ ശിവശങ്കർ,​ അർജുൻ മണി എന്നിവരും അറസ്റ്റിലായവരിൽപ്പെടുന്നു.

എടത്വ ചങ്ങങ്കരി പള്ളിിയിലേക്കുള്ള വഴിയിൽ ഏഴംഗസംഘം കാർ നിറുത്തി മദ്യപിക്കുകയായിരുന്നു,​ ഇത് ചോദ്യം ചെയ്ത നാട്ടുകാരുമായി മദ്യപരുടെ സംഘം വഴക്കുണ്ടാക്കി. തുടർന്ന് നാട്ടുകാർ അറിയിച്ചതിനെ തുടർന്ന് സ്ഥലത്തെത്തിയ പൊലീസിനെയും ഇവർ വിരട്ടി. സംഭവത്തിൽ എടത്വ പൊലീസ് കേസെടുത്തു.