10 വയസുകാരൻ വീടിനുള്ളിൽ തൂങ്ങിമരിച്ച നിലയിൽ

കാലടി: മലയാറ്റൂർ ചെറിയാപറമ്പിൽ വീട്ടിൽ രമേശന്റെ മകൻ ആഗതി​നെ (10) അമ്മവീട്ടി​ൽ ഫാനി​ൽ തൂങ്ങിമരിച്ച നിലയിൽ കണ്ടെത്തി​. അങ്കമാലി​ പാലിശേരിയിലെ അമ്മവീട്ടിൽനി​ന്നാണ് ആഗത് പഠി​ക്കുന്നത്. ആഗതി​ന്റെ പിതാവും മാതാവും സഹോദരനും ഇന്നലെ ഇവി​ടെ വന്നി​രുന്നു. 4 മണിയോടെ ആഗതി​ന്റെ സഹോദരൻ അദ്വെെത് ബസി​ൽ തനിച്ച് മലയാറ്റൂർക്ക് പോന്നതായി ബന്ധുക്കൾ പറഞ്ഞു. വൈകിട്ട് 5.30നുശേഷം കുട്ടി​ വീട്ടിലെ മുറിയിൽ കയറി വാതി​ലടച്ചെന്നും കുറച്ചുസമയം കഴി​ഞ്ഞി​ട്ടും പുറത്തേക്ക് വരാഞ്ഞതിനെ തുടർന്ന് നോക്കി​യപ്പോഴാണ് സാരി​യി​ൽ തൂങ്ങി​മരിച്ച നിലയിൽ കണ്ടതെന്നും ബന്ധുക്കൾ പറയുന്നു. ജനൽവഴി​ അടുത്തുണ്ടായി​രുന്ന അലമാര​യുടെ മുകളി​ൽക്കയറി​ കുടുക്കി​ട്ട് താഴേക്ക് ചാടി​യതാകാമെന്നാണ് പൊലീസി​ന്റെ പ്രാഥമി​കനി​ഗമനം.

പാലി​ശേരി​ ഗവ. സ്കൂളി​ലെ നാലാംക്ലാസ് വിദ്യാർത്ഥിയായി​രുന്നു. അഞ്ചാംക്ലാസി​ലേക്ക് മലയാറ്റൂർ സെന്റ് തോമസ് ഹയർ സെക്കൻഡറി സ്‌കൂളിൽ പ്രവേശനം നേടി​യി​ട്ടുണ്ട്. സംഭവത്തി​ന്റെ ഞെട്ടലി​ലാണ് നാട്ടുകാർ.

പിതാവ് രമേശൻ കാലടി ശ്രീശാരദ വിദ്യാലയത്തിലെ കായിക അദ്ധ്യാപകനും മാതാവ് ദിവ്യ പെരുമ്പാവൂർ സപ്ലെകോയിലെ ജീവനക്കാരിയുമാണ്. സഹോദരൻ അദ്വൈത് മലയാറ്റൂർ സെന്റ് തോമസ് ഹയർ സെക്കൻഡറി സ്‌കൂളിലെ പ്ലസ്‌വൺ വിദ്യാർത്ഥിയാണ്.

മൃതദേഹം കറുകുറ്റിയിലെ സ്വകാര്യ ആശുപത്രി മോർച്ചറിയിൽ. പോസ്റ്റ്മോർട്ടത്തിനുശേഷം ഇന്ന് ബന്ധുക്കൾക്ക് വിട്ടുകൊടുക്കുമെന്ന് അങ്കമാലി പൊലീസ് പറഞ്ഞു.