രാമനാട്ടുകര: ചുള്ളിപ്പറമ്പ്​ ​പുലരി​യുടെ ​ സുവർണ ജൂബിലിയുടെ ഭാഗമായി നടത്തിയ കുട്ടികളുടെ നാടക പഠന ക്യാമ്പിന്റെ സമാപനം സംഘാടക സമിതി ചെയർമാൻ സി.സുബ്രഹ്മണ്യൻ ഉ​ദ്ഘാ​ടനം ചെയ്തു.​ ​നാടക ക്യാമ്പ് ചെയർമാൻ കെ.ഗംഗാധരൻ അ​ദ്ധ്യ​ക്ഷത വഹിച്ചു. കൺവീനർ സജിത് കെ.കൊടക്കാട്ട്,​ രാമനാട്ടുകര നഗരസഭാ ​ കൗൺസിലർ ബീന കരംചന്ദ് ,ക്യാമ്പ് ഡയറക്ടർ അരുൺ പ്രിയദർശൻ, പ്രസിഡന്റ് വി.എം ജയപ്രകാശ്, സെക്രട്ടറി സുധീഷ് കുമാർ എന്നിവർ പ്രസംഗിച്ചു.​ ​ക്യാമ്പ് അംഗങ്ങളായ തീർത്ഥ, കതിർ അദീപ് എന്നിവർ അവലോകനം നടത്തി. കുട്ടികളുടെ നാടകവും ഗിരീഷ് മണ്ണൂർ അവതരിപ്പിച്ച "വെളിച്ചെണ്ണ " ഏകപാത്ര നാടകവും അരങ്ങേറി.​ ​മൂന്നു ദിവസങ്ങളിലായി ക്ലബ് ഓഡിറ്റോറിയത്തിൽ നടന്ന ക്യാമ്പിൽ കോഴിക്കോട്, മലപ്പുറം ജില്ലകളിൽ നിന്നുള്ള 43 കുട്ടികൾ പങ്കെടുത്തു.