കട്ടിൽ വിതരണം ചെയ്തു

ആറ്റിങ്ങൽ: നഗരസഭ പരിധിയിലെ പിന്നാക്ക വിഭാഗത്തിൽപ്പെട്ട 60 വയസിന് മുകളിൽ പ്രായമുള്ള അർഹരായ 45 ഗുണഭോക്താക്കൾക്ക് കട്ടിൽ വിതരണം ചെയ്തു. ജനകീയാസൂത്രണം 2023 - 24 സാമ്പത്തിക വർഷത്തെ ഈ നഗരസഭ പദ്ധതിയുടെ ഉദ്ഘാടനം ചെയർപേഴ്സൺ എസ്.കുമാരി നിർവഹിച്ചു. നഗരസഭാങ്കണത്തിൽ നടന്ന പരിപാടിയിൽ വികസന സ്റ്റാൻഡിംഗ് കമ്മിറ്റി ചെയർപേഴ്സൺ എസ്.ഷീജ, കൗൺസിലർമാരായ എസ്.സുഖിൽ, വി.എസ്.നിതിൻ, ദീപാരാജേഷ്, സതി, പട്ടികജാതി വികസന ഓഫീസർ സുകന്യ, പ്രമോട്ടർമാരായ ആതിര, ആദർശ്, അശ്വതി തുടങ്ങിയവർ പങ്കെടുത്തു.

ക്യാപ്ഷൻ: പിന്നാക്ക വിഭാഗത്തിലെ 45 പേർക്കുള്ള കട്ടിൽ വിതരണം ആറ്റിങ്ങൽ നഗരസഭ ചെയർപേഴ്സൺ എസ്.കുമാരി നിർവഹിക്കുന്നു