വാഷിംഗ്ടൺ : റഷ്യയിലുള്ള അമേരിക്കൻ പൗരൻമാർ എത്രയും വേഗം രാജ്യംവിടണമെന്ന് യു.എസ് സ്റ്റേറ്റ് സെക്രട്ടറി ആന്റണി ബ്ലിങ്കൻ. കഴിഞ്ഞ ദിവസം വാൾസ്ട്രീറ്റ് ജേണലിന്റെ റിപ്പോർട്ടറായ ഇവാൻ ഗെർഷ്‌കോവിചിനെ ചാരവൃത്തി ആരോപിച്ച് റഷ്യയുടെ സുരക്ഷാ ഏജൻസിയായ ഫെഡറൽ സെക്യൂരി​റ്റി സർവീസ് (എഫ്.എസ്.ബി) അറസ്റ്റ് ചെയ്തതിന് പിന്നാലെയാണ് ബ്ലിങ്കന്റെ പ്രതികരണം. ഇവാനെ മേയ് 29 വരെ കസ്റ്റഡിയിൽ വയ്ക്കാനാണ് മോസ്കോ കോടതിയുടെ ഉത്തരവ്. അമേരിക്കൻ പൗരനായ ഇവാനെ പിടികൂടിയ റഷ്യൻ നടപടിയെ ബ്ലിങ്കൻ ശക്തമായി അപലപിച്ചു.