ഐ.ഇ.സി വാനിന് കാഞ്ഞങ്ങാട്ട് സ്വീകരണം

കാഞ്ഞങ്ങാട്: ലോക എയ്ഡ്സ് ദിനാചരണത്തിന്റെ ഭാഗമായി പാലക്കാട് നിന്ന് ആരംഭിച്ച ഐ.ഇ.സി വാനിന് പുതിയകോട്ട മാന്തോപ്പ് മൈതാനിയിൽ സ്വീകരണം നൽകി. പാൻടെക് മൈഗ്രന്റ് പ്രൊജക്ട് ഡയറക്ടർ പ്രൊഫ. കെ.പി ഭരതൻ അദ്ധ്യക്ഷനായി. ഭൂരേഖ കെ.വി ഉണ്ണികൃഷ്ണൻ ഉദ്ഘാടനം ചെയ്തു. ഡെപ്യൂട്ടി തഹസിൽദാർ തുളസി രാജ്, ജനമൈത്രി പൊലീസ് ബീറ്റ് ഓഫീസർമാരായ രഞ്ജിത് കുമാർ, പ്രമോദ് കുമാർ, ടി. രാജീവൻ, കുഞ്ഞികൃഷ്ണൻ, ശെൽവരാജ് എന്നിവർ സംസാരിച്ചു. മൈഗ്രന്റ് സുരക്ഷാ പ്രൊജക്ട് മാനേജർ അരുൺ തോമസ് സ്വാഗതവും സുരക്ഷാ പ്രൊജക്ട് എം.ഇ.എ അഷിത മധു സക്കറിയ നന്ദിയും പറഞ്ഞു. കാസർകോട് ജില്ലയിലെ സുരക്ഷാ പ്രൊജക്ട് അംഗങ്ങൾ, അതിഥി തൊഴിലാളികൾ, നാട്ടുകാർ എന്നിവർ പരിപാടിയിൽ പങ്കെടുത്തു.