പകൽക്കുറി പുരുഷോത്തമൻ സ്മാരക പുരസ്ക‌ാരത്തിന് അപേക്ഷിക്കാം

ചാത്തന്നൂർ: പകൽക്കുറി കേന്ദ്രമായി പ്രവർത്തിക്കുന്ന പ്രമുഖ സാംസ്കാരിക പ്രസ്ഥാനമായ ഗ്രാമികയുടെ സ്ഥാപകനായ പകൽക്കുറി പുരുഷോത്തമൻ നായരുടെ ഓർമ്മയ്ക്കായി ഏർപ്പെടുത്തിയിട്ടുള്ള ഗ്രാമിക അവാർഡിനായി നാടക പുസ്തകങ്ങൾ ക്ഷണിക്കുന്നു. 2021-22-23 വർഷങ്ങളിൽ ഒന്നാം പതിപ്പായി പ്രസിദ്ധീകരിച്ച നാടക പുസ്തകങ്ങളുടെ മൂന്നു കോപ്പികൾ 31 നകം പി.എം.വിമൽബാബു, സെക്രട്ടറി, ഗ്രാമിക, പ്രവ്ദ, പകൽക്കുറി പി.ഒ, തിരുവനന്തപുരം പിൻ 695604 എന്ന വിലാസത്തിൽ ലഭിക്കണം. നാടകങ്ങൾ സ്വതന്ത്ര രചനകളായിരിക്കണം. 15,555 രൂപയും പ്രശസ്തി പത്രവും ഫലകവും അടങ്ങുന്നതാണ് അവാർഡ്. കുട്ടികളുടെ നാടകങ്ങളും പരിഗണിക്കുന്നതാണ്. ഫോൺ: 8156841104,9495238712