അദ്ധ്യാപക സമ്മേളനം

കൊച്ചി: മാത്തമാറ്റിക്‌സ് ടീച്ചേഴ്‌സ് ഒഫ് ഇന്ത്യ സംഘടിപ്പിക്കുന്ന 56-ാമത് ഗണിതശാസ്ത്ര അദ്ധ്യാപക ശില്പശാല ഭവൻസ് ആദർശ വിദ്യാലയത്തിൽ തിരുവനന്തപുരം വി.എസ്.എസ്.സിയിലെ ഡോ. ലക്ഷ്മി വി.എം. ഉദ്ഘാടനം ചെയ്തു.

ഭാരതീയ വിദ്യാഭവൻ കൊച്ചി കേന്ദ്ര ചെയർമാൻ വേണുഗോപാൽ സി. ഗോവിന്ദ് വിശിഷ്ടാതിഥിയായി. എ.എം.ടി.ഐ പ്രസിഡന്റ് ഡോ. ഐ.കെ. റാണ അദ്ധ്യക്ഷത വഹിച്ചു. ജനറൽ സെക്രട്ടറി എം. പളനിവാസൻ റിപ്പോർട്ട് അവതരിപ്പിച്ചു. ഭാരതീയ വിദ്യാഭവൻ കൊച്ചി കേന്ദ്ര ഡയറക്ടർ ഇ. രാമൻകുട്ടി, കുസാറ്റ് ഗണിതശാസ്ത്ര വിഭാഗം എമിററ്റസ് പ്രൊഫസർ ഡോ. അമ്പാട്ട് വിജയകുമാർ എന്നിവർ ചടങ്ങിൽ സംസാരിച്ചു.