മുണ്ടും ഉടുപ്പും മമ്മൂട്ടിയും

കൊല്ലം: കൊല്ലത്തെ പയ്യന്മാർ പറഞ്ഞ ലുക്കിൽ വെള്ള ഷർട്ടും മുണ്ടുമുടുത്താണ് മമ്മൂട്ടി കലോത്സവത്തിന്റെ സമാപന ചടങ്ങിനെത്തിയത്.

മമ്മൂട്ടി തന്നെ ഇക്കാര്യം വിശദീകരിച്ചു- 'കൊല്ലത്തെ ചടങ്ങിൽ പങ്കെടുക്കാൻ തീരുമാനിച്ചപ്പോഴാണ് ഒരു വീഡിയോ ക്ലിപ്പ് കണ്ടത്. മമ്മൂട്ടി എന്ത് ഉടുപ്പിട്ട് വരും എന്നതായിരുന്നു ആ വിഡിയോയുടെ ഉള്ളടക്കം. ഇതിനു മുമ്പു തന്നെ ഇങ്ങോട്ടു വരാനുള്ള ഷർട്ടും പാന്റ്സുമൊക്കെ റെഡിയാക്കിയിരുന്നു. ചെറുപ്പക്കാരനാകാൻ ഒരു കൂളിംഗ് ഗ്ലാസ് വയ്ക്കാനും ആലോചിച്ചു. അപ്പോഴാണ് വീഡിയോ കാണുന്നത്. അവർ പ്രതീക്ഷിച്ചത് മുണ്ടും ഷർട്ടുമാണ്. രാവിലെ വസ്ത്രങ്ങൾ തിരഞ്ഞെടുക്കുന്ന കൂട്ടത്തിൽ ഒരു മുണ്ടും ഷർട്ടും കരുതി...'