സി.ബി.എസ്.ഇ സ്പോർട്സ് മീറ്റ്

കൊല്ലം: ജില്ലയിലെ 22 അംഗീകൃത സി.ബി.എസ്.ഇ വിദ്യാലയങ്ങളിൽ നിന്നുള്ള 500 ഓളം കായിക പ്രതിഭകൾ മാറ്റുരയ്ക്കുന്ന ജില്ലാ സ്പോർട്സ് മീറ്റ് നാളെ പള്ളിമൺ സിദ്ധാർത്ഥ സെൻട്രൽ സ്കൂൾ ഗ്രൗണ്ടിൽ അരങ്ങേറും.
ട്രാക്ക്, ത്രോ, ജമ്പ് എന്നിങ്ങനെ മൂന്ന് വിഭാഗങ്ങളിലായി നടക്കുന്ന മത്സരത്തിന് ജില്ലാ സ്പോർട്സ് കൗൺസിൽ അത് ലറ്റുകൾ വിധികർത്താക്കളാകും. രാവിലെ 7.30 മുതൽ വൈകിട്ട് 6 വരെയാണ് മത്സരങ്ങൾ. സിദ്ധർത്ഥ സെൻട്രൽ സ്കൂൾ മാനേജർ സുരേഷ് സിദ്ധാർത്ഥ പതാക ഉയർത്തുന്നതോടെ മത്സരങ്ങൾ ആരംഭിക്കും. സമാപന ചടങ്ങിൽ കണ്ണനല്ലൂർ എസ്.എച്ച്.ഒ എസ്. ജയകുമാർ സമ്മാനങ്ങൾ വിതരണം ചെയ്യും. ജില്ല സഹോദയ പ്രസിഡന്റ് ഡോ. ഡി. പൊന്നച്ചൻ, സെക്രട്ടറി ഡോ. സുഷമ്മ മോഹൻ, സി.ബി.എസ്.ഇ സ്കൂൾ മാനേജർമാർ, പ്രിൻസിപ്പൽമാർ തുടങ്ങിയവർ പങ്കെടുക്കും.