മാരാമൺ കൺവെൻഷൻ പന്തലിന് കാൽനാട്ടി

പത്തനംതിട്ട : 129-​ാ മത് മാരാമൺ കൺവെൻഷന്റെ പന്തൽ കാൽനാട്ട് മാരാമൺ മണൽപ്പുറത്ത് മാർത്തോമ്മാ സഭാദ്ധ്യക്ഷൻ ഡോ.തിയഡോഷ്യസ് മാർത്തോമ്മാ മെത്രാപ്പോലീത്താ നിർവ്വഹിച്ചു. സുവിശേഷ പ്രസംഗ സംഘം പ്രസിഡന്റ് ഡോ. ഐസക്ക് മാർ ഫിലക്‌​സിനോസ് എപ്പിസ്‌​കോപ്പാ മുഖ്യപ്രഭാഷണം നടത്തി. ഡോ. ജോസഫ് മാർ ബർന്നബാസ് സഫ്രഗൻ മെത്രാപ്പോലീത്താ, ഡോ.മാത്യൂസ് മാർ മക്കാറിയോസ് എപ്പിസ്‌​കോപ്പാ, മാത്യൂസ് മാർ സെറാഫിം എപ്പിസ്‌​കോപ്പാ എന്നിവർ സഹകാർമികത്വം വഹിച്ചു. സുവിശേഷ പ്രസംഗ സംഘം ജനറൽ സെകട്ടറി റവ.എബി കെ.ജോഷ്വാ, സഭാ സെക്രട്ടറി റവ.എബി റ്റി.മാമ്മൻ,സുവിശേഷ പ്രസംഗ സംഘം ലേഖക സെക്രട്ടറി പ്രൊഫ.ഏബ്രഹാം പി.മാത്യു, സഞ്ചാര സെക്രട്ടറി റവ.ജിജി വർഗ്ഗീസ്, ട്രഷറർ ഡോ.എബി തോമസ് വാരിക്കാട്, വികാരി ജനറൽ റവ.ജോർജ് മാത്യു, വൈദിക ട്രസ്റ്റി റവ.ഡേവിഡ് ഡാനിയേൽ, സഭാ ട്രസ്റ്റി അഡ്വ.ആൻസിൽ സഖറിയ കോമാട്ട്, തോട്ടപ്പുഴശ്ശേരി പഞ്ചായത്തു പ്രസിഡന്റ് സി.എസ്. ബിനോയ്, കോഴഞ്ചേരി പഞ്ചായത്ത് പ്രസിഡന്റ് റോയി ജോർജ്ജ്, ബ്ലോക്ക് പഞ്ചായത്ത് അംഗങ്ങളായ സാറാമ്മ സാജൻ, അനീഷ് കുന്നപ്പുഴ, ഗ്രാമ പഞ്ചായത്ത് അംഗങ്ങളായ ബിജിലി പി. ഈശോ, സാലി ഫിലിപ്പ്, കൺവീനർമാരായ അഡ്വ.ജേക്കബ് ജോൺ കരിക്കം, തോമസ് കോശി എന്നിവർ പങ്കെടുത്തു.
കൺവെൻഷൻ ഫെബ്രുവരി 11 മുതൽ 18 വരെ മാരാമൺ മണൽ പുറത്ത് നടക്കും.