ചികിത്സാ രീതികൾ പ്രോൽസാഹിപ്പി​ക്കണം

ചങ്ങനാശേരി: ആയുർവേദമുൾപ്പടെയുള്ള ഭാരതീയ ചികിൽസാ രീതികൾ പ്രോൽസാഹിപ്പിക്കപ്പെടണമെന്നും കൂടുതൽ ജനങ്ങളിലേക്ക് എത്തിക്കണമെന്നും ഗവ.ചീഫ് വിപ്പ് ഡോ.എൻ.ജയരാ​ജ് പറ​ഞ്ഞു. മുസ്ലിം സർവീസ് സൊസൈറ്റിയുടെ സ​ഹകരണത്തോടെ തൃപ്പൂണിത്തുറ ഗവ.ആയുർവേദ മെഡിക്കൽ കോളെജ് നടത്തിയ സൗജന്യ മെഡിക്കൽ ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ പ്രസിഡന്റ് ജമാലുദ്ദീൻ വാഴത്തറയിൽ അദ്ധ്യക്ഷത വഹിച്ചു. അഡ്വ.ജോബ്‌​മൈക്കിൾ എം.എൽ.എ, സംസ്ഥാന സെക്രട്ടറി എൻ.ഹബീബ്, ഡോ.അർഷദ് ബാ​ഖവി, ജില്ലാ സെക്രട്ടറി കെ.എസ് ഹ​ലീൽ റഹി​മാൻ, ഡോ.ജയൻ ദാമോദരൻ, ഡോ.ഷാഹിനമോൾ, ഡോ.എ നഫീസത്തു ബീവി, പി.എ സാദിക്, ഷൈജു ഹസ്സൻ, കെ.എം രാജ, എ.നവാസ്, കെ.അബ്ദുൽ സലാം ഹാജി, പി.എ സാലി, അബ്ദുൽ ഷുക്കൂർ, കെ.ഷാജി, ഇ.എ റഷീ​ദ് പ​ങ്കെ​ടുത്തു.