കരിയർ ഓറിയന്റേഷൻ ക്ളാസ്

ചാത്തന്നൂർ: ആർ.ശങ്കർ കോളേജ് ഒഫ് ആർട്സ് ആൻഡ് സയൻസിൽ അവസാന വർഷ ബി.എ ഇംഗ്ളീഷ്, ബി.എ എക്കണോമിക്സ്, ബി.കോം വിത്ത് കമ്പ്യൂട്ടർ ആപ്പ്ളിക്കേഷൻ എന്നീ വിഭാഗങ്ങളിലെ വിദ്യാർത്ഥികൾക്കായി കേരള നോളജ് എക്കണോമി മിഷന്റെയും കോളേജ് ഐ.ക്യൂ.എ.സിയുടെയും പ്ളെയ്സ്മെന്റ് സെല്ലിന്റെയും സംയുക്താഭിമുഖ്യത്തിൽ കണക്ട് കരിയർ ടു ക്യാമ്പസ് പ്ളെയ്സ്മെന്റ് ട്രെയിനിംഗ് ആൻഡ് ഓറിയന്റേഷൻ ക്ളാസ് സംഘടിപ്പിച്ചു. സെമിനാർ ഹാളിൽ നടന്ന പരിപാടിയുടെ ഉദ്ഘാടനം കോളേജ് പ്രിൻസിപ്പൽ ഡോ.ബി.സുരേഷ് കുമാർ നിർവഹിച്ചു. കേരള നോളേജ് മിഷൻ അക്കാദമിക്ക് കൗൺസിലർ ജിജോ ജയചന്ദ്രൻ ക്ളാസുകൾക്ക് നേതൃത്വം നൽകി. ഐ.ക്യൂ.എ.സി കോർഡിനേറ്റർ വി.മനു, എൻ.എസ്.എസ് പ്രോഗ്രാം ഓഫീസർ കീർത്തി ബാബു എന്നിവർ പങ്കെടുത്തു.