ഗതാഗത നിയന്ത്രണം

കോട്ടയം: അതിരമ്പുഴ പള്ളിപെരുന്നാളിനോടനുബന്ധിച്ച് നഗരപ്രദക്ഷിണം നടക്കുന്നതിനാൽ ഏറ്റുമാനൂർ, അതിരമ്പുഴ ഭാഗങ്ങളിൽ ഇന്ന് വൈകിട്ട് 4 മുതൽ 10 വരെ ഗതാഗത നിയന്ത്രണം ഏർപ്പെടുത്തി.
ഏറ്റുമാനൂർ ഭാഗത്തുനിന്നും മെഡിക്കൽ കോളേജ് ഭാഗത്തേക്ക് പോകേണ്ട വാഹനങ്ങൾ എം.സി റോഡ് വഴി ഗാന്ധിനഗർ ജംഗ്ഷനിലെത്തി വലത്തേക്ക് തിരിഞ്ഞ് പോണം. മെഡിക്കൽ കോളേജ് ഭാഗത്തുനിന്നും ഏറ്റുമാനൂർ ഭാഗത്തേക്ക് പോകേണ്ട വാഹനങ്ങൾ ഗാന്ധിനഗർ ജംഗ്ഷനിലെത്തി ഇടത്തേക്ക് തിരിഞ്ഞ് എം.സി റോഡിലൂടെ പോണം. എം.സി റോഡിൽ പാറോലിക്കൽ ജംഗ്ഷനിൽ നിന്ന് അതിരമ്പുഴ പള്ളി ഭാഗത്തേക്ക് വലിയ വാഹനങ്ങൾക്ക് അനുവദാമില്ല. ഈ റോഡിൽ പാർക്കിംഗ് അനുവദിക്കില്ല. ഏറ്റുമാനൂർ ഭാഗത്തുനിന്നും അതിരമ്പുഴ പള്ളിയിലേക്ക് വരുന്ന ബസുകൾ ഉപ്പുപുര ജംഗ്ഷനിൽ ആളെയിറക്കി തിരിഞ്ഞ് കോട്ടമുറി ജംഗ്ഷൻ വഴി തിരികെ പോകണം. മെഡിക്കൽ കോളേജ് ഭാഗത്തുനിന്നും അതിരമ്പുഴ പള്ളിയിലേക്ക് വരുന്ന ബസുകൾ യൂണിവേഴ്‌സിറ്റി ജംഗ്ഷൻ ഭാഗത്ത് ആളെയിറക്കി തിരികെ പോകണം. മനക്കപ്പാടം ഓവർബ്രിഡ്ജ് മുതൽ യൂണിവേഴ്‌സിറ്റി ജംഗ്ഷൻ വരെയുള്ള റോഡ് സൈഡിലും അതിരമ്പുഴ പള്ളി മൈതാനത്തും മൂന്ന് മുതൽ പാർക്കിംഗ് അനുവദിക്കില്ല.