സ്നേഹപാഠം പദ്ധതി

അമ്പലപ്പുഴ: ജെ.സി.ഐ പുന്നപ്രയുടെ ആഭിമുഖ്യത്തിൽ സ്കൂൾ കുട്ടികൾക്കായി നടപ്പാക്കുന്ന സ്നേഹപാഠം പദ്ധതിക്ക് തുടക്കമായി. പുന്നപ്ര എൻ.എസ്.എസ് യു.പി സ്കൂളിന് സ്പോർട്സ് കിറ്റ് നൽകിയാണ് തുടക്കം. പ്രവാസി വ്യവസായിയും ജീവകാരുണ്യ പ്രവർത്തകനുമായ ഹാരിസ് രാജ ഉദ്ഘാടനം ചെയ്തു. പി.ടി.എ പ്രസിഡന്റ് എ. സുധീർ പുന്നപ്ര അദ്ധ്യക്ഷനായി . ജൂനിയർ ജയ്സിസ് സോൺ വൈസ് പ്രസിഡന്റ് റിസാൻ .എ.നസീർ പദ്ധതി വിശദീകരിച്ചു. ജെ.സി.ഐ പുന്നപ്ര പ്രസിഡന്റ് മാത്യു തോമസ്,സോൺ വൈസ് പ്രസിഡന്റ് ഷബിൻ ഷാ, പ്രോഗ്രാം ഡയറക്ടർ അഡ്വ.പ്രദീപ് കൂട്ടാല, പ്രധാന അധ്യാപിക എ. ടി.ശ്രീലത, നസീർ സലാം,പി.അശോകൻ,ജോയ് ആന്റണി തുടങ്ങിയവർ പ്രസംഗിച്ചു.