നിയന്ത്രണം വിട്ട പാൽ വണ്ടി മറിഞ്ഞു

കുളത്തൂപ്പുഴ : കുളത്തൂപ്പുഴ , തെന്മല സംസ്ഥാന പാതയിൽ ഇ.എസ്.എം കോളനിയിൽ നിയന്ത്രണം വിട്ടു പാൽ വണ്ടി മറിഞ്ഞു. തമിഴ്നാട്ടിൽ നിന്ന് തിരുവനന്തപുരത്ത് പാൽ വിതരണം ചെയ്ത ശേഷം തിരികെ തിരുനെൽവേലിയിൽ മടങ്ങിയ ശീതീകരണ ലോറിയാണ് അപകടത്തിൽപ്പെട്ടത്.

റോഡ് വശത്തെ ദിശാസൂചക ബോർഡ് തകർത്തവാഹനം പാതയോരത്തെ വീടിന്റെ മതിലും തകർത്താണ് കീഴ്മേൽ മറിഞ്ഞത്. സമീപത്ത് കുട്ടികൾ ഉൾപ്പെടെ ഉണ്ടായിരുന്നെങ്കിലും ആളപായാം ഒഴിവായി. അമിത വേഗതയിൽ പായുന്ന ഇതര സംസ്ഥാന വാഹനങ്ങൾ തുടർച്ചയായി അപകടത്തിൽപ്പെടുന്നത് നിത്യ സംഭവമാണ്. ഒരാഴ്ചയ്ക്കുള്ളിൽ മലയോര ഹൈവേയിലടക്കം മൂന്ന് വാഹനങ്ങളാണ് അപകടത്തിൽപ്പെട്ടത്.