പന്നിയിറച്ചി വില്പന കേന്ദ്രം അടച്ചിടും

അങ്കമാലി: സംസ്ഥാനത്ത് തിങ്കളാഴ്ച മുതൽ പന്നി ഇറച്ചി വില്പന കേന്ദ്രങ്ങൾ അടച്ചിട്ട് അനശ്ചിതകാല പണിമുടക്ക് ആരംഭിക്കാൻ ഓൾ കേരള പിഗ് ട്രേഡേഴ്‌സ് ഫെഡറേഷൻ സംസ്ഥാന കൺവെൻഷൻ തിരുമാനിച്ചു. അയൽ സംസ്ഥാനങ്ങളിൽ നിന്ന് പന്നികളെ കൊണ്ടുവരുന്നതിനുള്ള വിലക്ക് നീക്കുക, ഫാമുകൾക്കുള്ള ലൈസൻസ് നടപടികൾ സുതാര്യമാക്കുക, വില നിശ്ചയിക്കുന്നത് സർക്കാർ നിയന്ത്രണത്തിലാക്കുക, എല്ലാ തദ്ദേശ സ്ഥാപനങ്ങളിലും സ്ലോട്ടർ ഹൗസുകൾ സജ്ജമാക്കുക തുടങ്ങിയ ആവശ്യങ്ങൾ ഉന്നയിച്ചാണ് സമരം. അങ്കമാലിയിൽ ചേർന്ന കൺവെൻഷനിൽ ബിജു പൗലോസ് അദ്ധ്യക്ഷത വഹിച്ചു. ഭാരവാഹികളായി പി.വി. ബിനോയ് (പ്രസി.), പ്രിൻസ് ടി. ആന്റണി (സെക്ര.), ജെറി പൗലോസ് (ഖജാ.) എന്നിവരെ തിരഞ്ഞെടുത്തു.