സ്വാഗതസംഘം രൂപീകരിച്ചു

മലപ്പുറം: എസ്.വൈ.എസ് ജില്ലാ കമ്മിറ്റി സംഘടിപ്പിക്കുന്ന സയ്യിദ് മുഹമ്മദലി ശിഹാബ് തങ്ങളുടെ പതിനഞ്ചാമത് ഉറൂസ് മുബാറകും മികച്ച മുദരിസായി തെരഞ്ഞെടുക്കപ്പെട്ട എൻ.വി.മുഹമ്മദ് ബാഖവിക്കുളള അവാർഡ് ദാനവും 19ന് കാവനൂർ ശിഹാബ് തങ്ങൾ നഗരിയിൽ നടക്കും. ഉറൂസിന്റെ നടത്തിപ്പിനായി 313 അംഗ സ്വാഗത സംഗം രൂപീകരിച്ചു. കാവനൂർ കെ.എം.എച്ച്ഹാളിൽ നടന്ന പൈലറ്റ് സംഗമം പാണക്കാട് സയ്യിദ് സാബിക്കലി ശിഹാബ് തങ്ങൾ ഉദ്ഘാടനം ചെയ്തു. സമസ്ത ജില്ലാ സെക്രട്ടറി കെ.എ.റഹ്മാൻ ഫൈസി കാവനൂർ അദ്ധ്യക്ഷത വഹിച്ചു. എസ്.വൈ.എസ് ജില്ലാ ജനറൽ സെക്രട്ടറി ടി.പി.സലീം എടക്കര ആമുഖ പ്രഭാഷണവും ട്രഷറർ കെ.അബ്ദുൽ ഖാദർ ഫൈസി കുന്നുംപുറം മുഖ്യപ്രഭാഷണവും നടത്തി.