ജീവിതശൈലി രോഗനിർണയ ക്യാമ്പ്

അമ്പലപ്പുഴ: തോട്ടപ്പള്ളി കോസ്റ്റൽ പൊലീസിന്റെയും ആലപ്പുഴ- വണ്ടാനം ചേതന ലാബിന്റെയും സംയുക്തഭിമുഖ്യത്തിൽ തോട്ടപ്പള്ളി ഹാർബറിൽ മത്സ്യത്തൊഴിലാളികൾക്കായി സൗജന്യ ജീവിതശൈലി രോഗനിർണ്ണയ ക്യാമ്പ് നടത്തി. പുറക്കാട് പഞ്ചായത്ത് പ്രസിഡന്റ് സുദർശനൻ ഉദ്ഘാടനം ചെയ്തു . തോട്ടപ്പളി കോസ്റ്റൽ സി.ഐ റിയാസ് രാജാ, വാർഡ് മെമ്പർ രാജേശ്വരി കൃഷ്ണൻ, കോസ്റ്റൽ സ്റ്റേഷൻ എസ്.ഐമാരായ സനൽ, സാബു, മധുലാൽ, ബീറ്റ് ഓഫീസർ ഷൈബു, കോസ്റ്റൽ വാർഡന്മാർ തുടങ്ങിയവർ പങ്കെടുത്തു. 200 മത്സ്യതൊഴിലാളികൾക്ക് ക്യാമ്പ് പ്രയോജനകരമായി.