ഉദ്ഘാടനം ചെയ്തു

തേഞ്ഞിപ്പലം: മലയാളം സർവകലാശാലാ മുൻ വൈസ് ചാൻസലറും കലിക്കറ്റ് സർവകലാശാല മലയാളപഠനവിഭാഗം സീനിയർ പ്രൊഫസറുമായ ഡോ.അനിൽ വള്ളത്തോളിന്റെ വിരമിക്കലിനോടനുബന്ധിച്ച് നടത്തിയ ചിത്രയോഗം 2 'പഴമ പലമ' ദ്വിദിന ദേശീയ സെമിനാർ കാലിക്കറ്റ് സർവകലാശാല വൈസ് ചാൻസലർ ഡോ.എം.കെ.ജയരാജ് ഉദ്ഘാടനം ചെയ്തു. വകുപ്പ് മേധാവി ഡോ.ആർ.വി.എം.ദിവാകരൻ അദ്ധ്യക്ഷനായി. ഡോ.അനിൽ വള്ളത്തോൾ സംസാരിച്ചു. ഡോ. വി.എ.ഷഹന സ്വാഗതവും കെ.അഞ്ജന നന്ദിയും പറഞ്ഞു. ഡോ. ടി.ബി. വേണുഗോപാല പണിക്കർ, ഡോ.കെ വി ദിലീപ്കുമാർ, ഡോ.എൻ അജയകുമാർ, ഡോ.നൗഷാദ് തുടങ്ങിയവർ പ്രബന്ധങ്ങൾ അവതരിപ്പിച്ചു.