108 ആം​ബു​ലൻ​സ് നി​യ​ന്ത്ര​ണം വി​ട്ട് മ​ര​ത്തി​ലി​ടി​ച്ചു

കൊല്ലം: ജില്ലാ ആ​ശു​പ​ത്രി​യി​ലേ​ക്ക് രോ​ഗി​യു​മാ​യി പോ​യ 108 ആം​ബു​ലൻ​സ് നി​യ​ന്ത്ര​ണം വിട്ട് ബിരി​യാണിക്ക​ട ത​കർ​ത്ത​ശേ​ഷം മ​ര​ത്തി​ലി​ടി​ച്ച് നി​ന്നു. ആ​ള​പാ​യ​മില്ല. രോഗിക്ക് മറ്റ് പരിക്കുകളില്ല. ഇന്ന​ലെ വൈ​കി​ട്ട് 3.30ന് ശാ​സ്ത്രി ജം​ഗ്​ഷ​നി​ലെ പെ​ട്രോൾ പ​മ്പി​ന് സ​മീ​പ​മാ​യി​രു​ന്നു അ​പ​ക​ടം.

സ​മീ​പ​ത്തെ ചാ​യക്ക​ടയിൽ ആ​ളില്ലാ​തി​രു​ന്ന​തി​നാൽ അ​പക​ടം ഒ​ഴി​വാ​യി. മ​ര​ത്തിന് ചു​വട്ടിൽ പാർ​ക്ക് ചെ​യ്​തി​രു​ന്ന അഞ്ച് ഇ​രു​ച​ക്ര​വാ​ഹ​ന​ങ്ങൾക്ക് കേ​ടു​പാ​ടു​കൾ പ​റ്റി. കു​ണ്ട​റ താ​ലൂ​ക്ക് ആ​ശു​പ​ത്രിയിൽ നി​ന്ന് രോ​ഗി​യു​മാ​യി വരുമ്പോഴായിരുന്നു അപകടം.

ശാ​സ്ത്രി ജം​ഗ്​ഷ​നി​ലെ പെ​ട്രോൾ പ​മ്പി​ന് മു​ന്നി​ലെ​ത്തി​യ​പ്പോൾ പമ്പിൽ നി​ന്ന് ഇന്ധ​നം നി​റ​ച്ച് റോ​ഡി​ലേ​ക്കി​റങ്ങി​യ ഓട്ടോറി​ക്ഷ ആം​ബു​ലൻ​സി​ന് മു​ന്നിൽ​പ്പെ​ടു​ക​യാ​യി​രു​ന്നു.
ഓട്ടോറിക്ഷയിൽ ഇടിക്കാതിരിക്കാൻ വെട്ടിച്ചപ്പോഴാണ് ആം​ബു​ലൻ​സി​ന്റെ നി​യ​ന്ത്ര​ണം ന​ഷ്ട​പ്പെട്ടത്. കടയ്ക്ക് മുന്നിൽ ലോട്ടറി വിൽ​പ്പ​ന ന​ട​ത്തി​യി​രു​ന്നയാൾ ആംബുലൻസ് വരുന്നത് കണ്ട് ഓടിമാറി.

ക​ട​പ്പാ​ക്ക​ടയിൽ നിന്ന് ഫ​യർ​ഫോ​ഴ്‌​സ് സംഘമെത്തി സ​മീ​പ​ത്തെ ആ​ശു​പ​ത്രിയിൽ നി​ന്ന് ആം​ബു​ലൻ​സ് എ​ത്തി​ച്ചാ​ണ് രോ​ഗിയെ ജില്ലാ ​ആ​ശു​പ​ത്രി​യി​ലേ​ക്ക് മാ​റ്റി​യ​ത്. ആം​ബു​ലൻ​സി​ന്റെ മുൻ​വ​ശം ഭാ​ഗി​ക​മാ​യി ത​കർ​ന്നു. ഈ​സ്​റ്റ് പൊ​ലീ​സ് കേ​സെ​ടുത്തു.