SignIn
Kerala Kaumudi Online
Sunday, 28 April 2024 8.41 AM IST

അണക്കെട്ടുകളിൽ ആശ്വാസ ജലനിരപ്പ്

dam

ന്യൂഡൽഹി : ചൂട് കടുക്കുമ്പോഴും കേരളത്തിലെ പ്രധാന അണക്കെട്ടുകളിലെ ജലനിരപ്പ് കഴിഞ്ഞ വർഷത്തേക്കാൾ മെച്ചമാണെന്ന് കേന്ദ്ര ജല കമ്മിഷന്റെ കണക്ക്.

രാജ്യത്തെ 150 ഡാമുകളിലെ തത്സമയ ജലനിരപ്പ് സംബന്ധിച്ച മാർച്ച് 14ലെ റിപ്പോർട്ടിലാണ് ഇക്കാര്യം. കേരളത്തിൽ 2023ൽ കാലവർഷം കുറവായിരുന്നു. ആഗസ്റ്റിൽ 15% മഴയേ കിട്ടിയുള്ളൂ. തുലാവർഷം കൂടുതലായിരുന്നു. വരൾച്ച മുൻകൂട്ടി കണ്ട് വ്യക്തമായ ആസൂത്രണത്തോടെ അണക്കെട്ടുകളിലെ ജലം വിനിയോഗിച്ചതിനാലാണ് മെച്ചപ്പെട്ട നില തുടരുന്നത്. മുല്ലപ്പെരിയാറിൽ കഴിഞ്ഞവർഷം ഈ സമയം 28% വെള്ളമായിരുന്നു. നിലവിൽ 33 ശതമാനമുണ്ട്. കേരളത്തിൽ സാധാരണ ജൂൺ - സെപ്തംബർ കാലവർഷത്തിൽ 70 ശതമാനം മഴയാണ് ലഭിക്കുന്നത്. ഒക്ടോബർ - ഡിസംബറിൽ തുലാവർഷം 20 ശതമാനവും. ബാക്കി 10 ശതമാനം വേനൽമഴയും മറ്റുമായി ലഭിക്കുന്നു. അതേസമയം, തമിഴ്നാട്, കർണാടക, ആന്ധ്രാ, രാജസ്ഥാൻ തുടങ്ങിയ സംസ്ഥാനങ്ങളിലെ അണക്കെട്ടുകളിൽ കഴിഞ്ഞ വർഷത്തേക്കാളും ജലനിരപ്പ് കുറവാണ്.

ജലസേചന വകുപ്പിന്റെ ഡാമുകകളിലെ വെള്ളം

(ബ്രായ്‌ക്കറ്റിൽ കഴിഞ്ഞ വർഷം )​

1. കല്ലട - 60% ( 45%)​

2. മലമ്പുഴ - 17%. ( 17%)​

കെ.എസ്.ഇ.ബി ഡാമുകളിൽ

1. ഇടമലയാർ - 50%. ( 46%)​

2. ഇടുക്കി - 48% ( 45%)​

3. പെരിയാർ - 33% ( 28%)​

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: WATER CRISIS
KERALA KAUMUDI EPAPER
TRENDING IN KERALA
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.