അനായാസം അർജന്റീന

ഫിലാഡൽഫിയ: അന്താരാഷ്ട്ര സൗഹൃദ ഫുട്ബാൾ പോരാട്ടത്തിൽ ലോക ചാമ്പ്യൻമാരായ അർജന്റീന മറുപടിയില്ലത്ത മൂന്ന് ഗോളുകൾക്ക് എൽ സാൽവദോറിനെ കീഴക്കി. യു.എസിലെ ഫിലാഡൽഫിയയിലെ ലിങ്കൺ ഫിനാൻഷ്യൽ ഫീൽഡ് മൈതാനത്ത് നടന്ന മത്സരത്തിൽ ക്രിസ്റ്റ്യൻ റൊമീറോ, എൻസോ ഫെർണാണ്ടസ്,ലോ സെൽസോ എന്നിവരാണ് അർജന്റീനയ്ക്കായി സ്കോർ ചെയ്ത്. പരിക്കിനെത്തുടർന്ന് വിശ്രമത്തിലായ ക്യാപ്ടനും ഇതിഹാസ താരവുമായ ലയണൽ മെസിയുടെ അഭാവത്തിലിറങ്ങിയ അർജന്റീന എയ്ഞ്ചൽ ഡ മരിയയേയും ലൗട്ടാരൊ മാർട്ടിനസിനേയുമാണ് ആക്രമണത്തിന് നിയോഗിച്ചത്. മത്സരം പൂർണമായും അർജന്റീനയുടെ ആധിപത്യത്തിലായിരുന്നു. 27 ന് കോസ്റ്റ റിക്കയ്ക്കെതിരെയാണ് അർജന്റനയുടെ അടുത്ത മത്സരം.