വൈക്കം : തെക്കേനട ശ്രീകാളിയമ്മനട ഭദ്രകാളി ക്ഷേത്രത്തിലെ മീനഭരണി ഉത്സവത്തോടനുബന്ധിച്ച് നടന്ന ശ്രീഭദ്രകാളിയുടെ 16 കരങ്ങളോട് കൂടിയ വലിയകളം ഭക്തർക്ക് ദർശന പുണ്യമായി. തുടർന്ന് വിൽപ്പാട്ട്, വലിയകാണിക്ക, വടക്കുപുറത്ത് വലിയ ഗുരുതി എന്നിവയും നടന്നു. രാവിലെ വിവിധ കേന്ദ്രങ്ങളിൽ നിന്ന് കുംഭകുടങ്ങൾ അഭിഷേകത്തിനായി കൂട്ടമായും ഒറ്റയായും എത്തി. താലപ്പൊലിയുമുണ്ടായിരുന്നു. ചടങ്ങുകൾക്ക് തന്ത്രി നാഗമ്പൂഴിമന ഹരിഗോവിന്ദൻ നമ്പൂതിരി, മേൽശാന്തി ഹരികൃഷ്ണൻ എന്നിവർ മുഖ്യകാർമ്മികരായിരുന്നു. ക്ഷേത്രം മാനേജർ പി.ആർ രാജു, പ്രസിഡന്റ് കെ.പുരുഷോത്തമൻ, വൈസ് പ്രസിഡന്റ് എസ്.ധനഞ്ജയൻ, സെക്രട്ടറി വി.കെ നടരാജൻ ആചാരി, ജോ.സെക്രട്ടറി ബി.ആർ രാധാകൃഷ്ണൻ ഇല്ലിക്കൽ, ട്രഷറർ കെ.ബാബു, അമ്മിണി ശശി, എം.ഡി അനിൽകുമാർ, എസ്.ജയൻ തുടങ്ങിയവർ നേതൃത്വം നൽകി.