ഇമാക് സൈലന്റ് ഹീറോസ് അവാർഡ്

കൊച്ചി: സംസ്ഥാനത്തെ ഇവന്റ് മാനേജർമാരുടെ സംഘടനയായ 'ഇവന്റ് മാനേജ്‌മെന്റ് അസോസിയേഷൻ ഒഫ് കേരളയുടെ (ഇമാക്) സൈലന്റ് ഹീറോസ് അവാർഡ് വിതരണത്തിന്റെ അഞ്ചാം പതിപ്പ് 16, 17 തീയതികളിൽ കൊച്ചി ലേ മെറിഡിയനിൽ നടക്കും. പരിപാടിയിൽ സംസ്ഥാനത്തിലുടനീളമുള്ള ഇവന്റ് മാനേജ്‌മെന്റ് ഏജൻസികളെയും പ്രൊഫഷണലുകളെയും ആദരിക്കും. രാവിലെ 10 മുതൽ വിവിധ വിഷയങ്ങളിൽ പാനൽ ചർച്ചകളും എക്‌സിബിഷനും നടക്കുമെന്ന് ഇമാക് പ്രസിഡന്റ് രാജു കണ്ണമ്പുഴ വാർത്താസമ്മേളത്തിൽ അറിയിച്ചു. സെക്രട്ടറി മാർട്ടിൻ ഇമ്മാനുവൽ, വെസ് പ്രസിഡന്റ് ജുബിൻ ജോൺ, ട്രഷറർ ജിൻസി തോമസ്, ജോയൽ ജോൺ, കൺവീനർ സൈലന്റ് ഹീറോസ് എന്നിവർ വാർത്താസമ്മേളനത്തിൽ പങ്കെടുത്തു.