അംബേദ്കർ ജന്മദിനാഘോഷം

തിരുവല്ല: സാംബവ മഹാസഭ വള്ളംകുളം ശാഖയുടെ ആഭിമുഖ്യത്തിൽ നാളെ ഡോ. ബി.ആർ.അംബേദ്കറുടെ 133 -ാമത് ജന്മദിനാഘോഷം ശാഖാങ്കണത്തിൽ നടത്തും. രാവിലെ 9ന് പതാക ഉയർത്തൽ, 9.30ന് പുഷ്‌പാർച്ചന, വൈകിട്ട് നാലിന് നന്നൂർ ജംഗ്‌ഷനിൽ നിന്ന് ജന്മദിന ഘോഷയാത്ര. 6.30ന് പൊതുസമ്മേളനം ഇരവിപേരൂർ പഞ്ചായത്ത് പ്രസിഡന്റ് കെ.ബി.ശശിധരൻ പിള്ള ഉദ്ഘാടനം ചെയ്യും. ശാഖാ പ്രസിഡന്റ് എസ് ശ്രീനിവാസൻ അദ്ധ്യക്ഷത വഹിക്കും. പി.ആർ.ഡി.എസ് വർക്കിംഗ് കമ്മിറ്റിയംഗം ടി.കെ.മോഹൻദാസ് മുഖ്യപ്രഭാഷണം നടത്തും. സഭ യൂണിയൻ പ്രസിഡന്റ് സുജാതകുമാരി ജന്മദിന സന്ദേശം നൽകും. രാത്രി 9 മുതൽ കലാപരിപാടികൾ. തുടർന്ന് നാടൻപാട്ട്.