തിരുവല്ലയിൽ ഐസക്കിന് സ്വീകരണം

പത്തനംതിട്ട : പൂക്കൾ നൽകി എൽ.ഡി.എഫ് സ്ഥാനാർത്ഥി ഡോ.തോമസ് ഐസക്കിന് തിരുവല്ല മണ്ഡലത്തിൽ ഉജ്ജ്വല സ്വീകരണം. തിരഞ്ഞെടുപ്പ് പര്യടന പരിപാടികളിൽ വിലപിടിപ്പുള്ള വസ്തുക്കളും പ്ലാസ്റ്റിക് ഉത്പന്നങ്ങളും ഒഴിവാക്കി പുസ്തകങ്ങളും പൂക്കളും നൽകിയാൽ മതിയെന്ന സ്ഥാനാർത്ഥിയുടെ അഭ്യർത്ഥനയെ തുടർന്നാണ് ശുഭ ശൂചകമായ കണിക്കൊന്നപൂക്കൾ നൽകി പ്രവർത്തകർ സ്വീകരണമൊരുക്കിയത്. രാവിലെ കടപ്ര പഞ്ചായത്തിലെ പരുമല പാലച്ചുവട്ടിൽ നിന്നാരംഭിച്ച പര്യടനം സി.പി.എം കേന്ദ്ര കമ്മറ്റി അംഗം സി എസ് സുജാത ഉദ്ഘാടനം ചെയ്തു. അലക്‌സ് കണ്ണമല അദ്ധ്യക്ഷത വഹിച്ചു. നിരണം നെടുമ്പ്രം, പെരിങ്ങര, കുറ്റൂർ പഞ്ചായത്തുകളിലെ വിവിധ കേന്ദ്രങ്ങളിലെ പര്യടന ശേഷം രാത്രി ഇടക്കുന്നിൽ സമാപിച്ചു. മാത്യു.ടി.തോമസ് എം.എൽഎ, അഡ്വ.ആർ.സനൽകുമാർ, ചെറിയാൻ പോളച്ചിറയ്ക്കൽ, വിജി നൈനാൻ, മായാ അനിൽകുമാർ, അഡ്വ.രതീഷ് കുമാർ, ജേക്കബ് മദനൻചേരി, കെ.പ്രകാശ് ബാബു, അലക്‌സ് മണപ്പുറം, രാജീവ് പഞ്ഞിപ്പാലം, ടി.എ.റെജി കുമാർ, കെ.പി.രാധാക്യഷ്ണൻ, ബെന്നി പാറയ്ക്കൽ എന്നിവർ പ്രസംഗിച്ചു.