അടൂർ ടൗൺ ശാഖയിൽ പഞ്ചലോഹ വിഗ്രഹ പ്രതിഷ്ഠാവാർഷികം

അടൂർ : എസ്.എൻ.ഡി.പി യോഗം അടൂർ യൂണിയനിലെ 3167 -ാം നമ്പർ അടൂർ ടൗൺ ശാഖാ യോഗത്തിലെ പഞ്ചലോഹ ഗുരുദേവ വിഗ്രഹ പ്രതിഷ്ഠയുടെ പത്താമത് വാർഷികാഘോഷം ഇന്ന് നടക്കും. ക്ഷേത്രം തന്ത്രി പെരിങ്ങനാട് രതീഷ് മുഖ്യകാർമ്മികത്വം വഹിക്കും. രാവിലെ 5 ന് പ്രഭാതഭേരി, 5.30ന് അഷ്ടദ്രവ്യ മഹാഗണപതി ഹോമം, 7 30ന് പതാക ഉയർത്തൽ, 9 ന് നവക പഞ്ചഗവ്യ കലശപൂജ തുടർന്ന് കലശാഭിഷേകത്തോടെ ഉച്ചപൂജ,11ന് രേഖാ അനിൽ പ്രഭാഷണം നടത്തും. 1.30 ന് അന്നദാനം, വൈകിട്ട് 5 ന് സർവൈശ്വര്യ പൂജ, 6 ന് ദീപാരാധന, ദീപക്കാഴ്ച, 7 ന് സ്വാമി പ്രബോധ തീർത്ഥ ( ശിവഗിരി മഠം ) അനുഗ്രഹപ്രഭാഷണം നടത്തും. സ്കൂൾ കോളേജ് തലത്തിൽ മികച്ച വിജയം കൈവരിച്ച വിദ്യാർത്ഥികളെ എസ്.എൻ .ഡി .പി യോഗം അടൂർ യൂണിയൻ കൺവീനർ അഡ്വ.മണ്ണടി മോഹൻ അനുമോദിക്കും, അടൂർ യൂണിയൻ ചെയർമാൻ അഡ്വ. മനോജ് കുമാർ. എം മെറിറ്റ് അവാർഡ് വിതരണം ചെയ്യും. യോഗം കൗൺസിലർ എബിൻ അമ്പാടിയിൽ , ശാഖാ പ്രസിഡന്റ്‌ അടൂർ ശശാങ്കൻ, ശാഖാ സെക്രട്ടറി കെ. ജി വാസുദേവൻ, വൈസ് പ്രസിഡന്റ്‌, കെ.വി പ്രദീപ്കുമാർ എന്നിവർ പ്രസംഗിക്കും. രാത്രി 9 ന് നാടകം