യൂണി. സ്റ്റാഫ് ഓർഗ. വാർഷിക സമ്മേളനം

കണ്ണൂർ: ജനാധിപത്യം, മതേതരത്വം എന്നിവയ്ക്കായുള്ള കോൺഗ്രസിന്റെ ശ്രമങ്ങളിലെ ആത്മാർഥത ഇന്ത്യയിലെ സാധാരണ മനുഷ്യർ തിരിച്ചറിഞ്ഞുവെന്ന് കെ.പി.സി.സി. ഡിജിറ്റൽ മീഡിയ സെൽ കൺവീനർ ഡോ. പി. സരിൻ പറഞ്ഞു. കണ്ണൂർ യൂണിവേഴ്സിറ്റി സ്റ്റാഫ് ഓർഗനൈസേഷൻ 24ാം വാർഷിക സമ്മേളനം താവക്കര ക്യാമ്പസിലെ ചെറുശ്ശേരി ഓഡിറ്റോറിയത്തിൽ (ഉമ്മൻചാണ്ടി നഗർ) ഉദ്ഘാടനം ചെയ്യുകയായിരുന്നു അദ്ദേഹം. സംഘടന പ്രസിഡന്റ് കെ.എം. സിറാജ് അദ്ധ്യക്ഷനായിരുന്നു. ജനറൽ സെക്രട്ടറി കെ. രാജകൃഷ്ണൻ, ഫെഡറേഷൻ ഓഫ് ഓൾ കേരള യൂണിവേഴ്സിറ്റി എംപ്ലോയീസ് ഓർഗനൈസേഷൻസ് ട്രഷറർ ജയൻ ചാലിൽ തുടങ്ങിയവർ സംസാരിച്ചു. ഉച്ചയ്ക്ക് നടന്ന പ്രതിനിധി സമ്മേളനം ഡി.സി.സി പ്രസിഡന്റ് അഡ്വ. മാർട്ടിൻ ജോർജ് ഉദ്ഘാടനം ചെയ്തു. ഭാരവാഹികൾ: ഇ.കെ ഹരിദാസൻ (പ്രസിഡന്റ്), കെ.എം. സിറാജ് (സെക്രട്ടറി) കെ.പി. അശ്വതി (ട്രഷറർ).