SignIn
Kerala Kaumudi Online
Wednesday, 24 July 2024 2.46 PM IST

റിസോർട്ടിൽ തിരുമ്മ് ചികിത്സയ്‌ക്കിടെ ലൈംഗിക ബന്ധത്തിന് നിർബന്ധിച്ചു, പരാതിയുമായി വിദേശ വനിത

sexual-abuse

വയനാട്: വിദേശ വനിതയെ റിസോർട്ട് ജീവനക്കാരൻ പീഡിപ്പിച്ചതായി പരാതി. വയനാട് തിരുനെല്ലിയിലെ റിസോർട്ടിലാണ് സംഭവം. നെതർലൻഡ്‌സ് സ്വദേശിയായ യുവതി നൽകിയ പരാതിയിൽ പൊലീസ് കേസെടുത്തു. വയനാട് സന്ദർശിക്കാനായി എത്തിയ 25കാരിക്കാണ് ദുരനുഭവം ഉണ്ടായത്. തിരുമ്മു ചികിത്സയ്‌ക്കിടെ ലൈംഗിക ബന്ധത്തിന് നിർബന്ധിച്ചതായും ലൈംഗികാതിക്രമം നടത്തിയതായും പരാതിയിൽ പറയുന്നുണ്ട്.

കഴിഞ്ഞ ഡിസംബർ ആദ്യമാണ് ഓൺലൈൻ ബുക്കിംഗ് വഴി യുവതി തിരുനെല്ലിയിലെ റിസോർട്ടിൽ എത്തിയത്. നെതർലൻഡ്‌സിൽ തിരിച്ചെത്തിയ ശേഷം എഡിജിപിക്ക് ഇ - മെയിൽ വഴി പരാതി അയയ്‌ക്കുകയായിരുന്നു. ഈ മാസം 14നാണ് പരാതി നൽകിയത്. ഇന്ത്യയിൽ പരാതി നൽകേണ്ട നടപടിക്രമങ്ങൾ അറിയാത്തതിനാലാണ് പരാതി നൽകാൻ വൈകിയതെന്നാണ് യുവതി പറയുന്നത്. പരാതി ലഭിച്ച് ഒരാഴ്‌ചയായിട്ടും നടപടിയെടുക്കുന്നില്ലെന്നാരോപിച്ച് വിവിധ സംഘടനകൾ രംഗത്തെത്തി.

എന്നാൽ, സംഭവത്തിൽ വീഴ്‌ച വരുത്തിയിട്ടില്ലെന്നാണ് പൊലീസ് അറിയിച്ചത്. കേസെടുത്തെങ്കിലും നൽകിയ പരാതിയിൽ പൂർണമായ വിവരങ്ങൾ ഇല്ലാത്തതിനാലാണ് മറ്റ് നടപടികളിലേക്ക് കടക്കാൻ സാധിക്കാത്തതെന്നും പൊലീസ് അറിയിച്ചു.

അപ്ഡേറ്റായിരിക്കാം ദിവസവും


ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ

TAGS: CASE DIARY, FOREIGN WOMAN, SEXUALLY ABUSED, WAYANAD RESORT
KERALA KAUMUDI EPAPER
TRENDING IN CASE DIARY
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.