കേന്ദ്ര ഓഫീസു​ക​ളിൽ ബ​യോ​മെ​ട്രി​ക് ഹാ​ജ​ർ​ ​തി​രി​കെ

ന്യൂഡൽഹി: വൈകി വരുന്ന ജീവനക്കാർക്കെതിരെ കർശന നടപടിയുമായി കേന്ദ്രസർക്കാർ. രാവിലെ 9.15 ന് മുൻപ് ഹാജർ രേഖപ്പെടുത്തിയില്ലെങ്കിൽ പകുതി ദിവസം ലീവ് ആയി കരുതും. കൊവിഡ് കാലത്ത് നിറുത്തിവച്ച ബയോമെട്രിക് ഹാജർ പുന:രാരംഭിക്കാനും നിർദ്ദേശം നൽകി. ഓഫീസിൽ ഹാജരാകാൻ കഴിയാത്തവർ മുൻകൂട്ടി അറിയിക്കുകയും കാഷ്വൽ അവധിക്ക് അപേക്ഷിക്കുകയും വേണം. ജീവനക്കാരുടെ ഹാജരും കൃത്യനിഷ്ഠയും ഉദ്യോഗസ്ഥർ നിരീക്ഷിക്കണം. കേന്ദ്ര സർക്കാർ ഓഫീസുകൾക്ക് രാവിലെ 9 മുതൽ വൈകിട്ട് 5.30 വരെയാണ് പ്രവർത്തി സമയം.