അനുസ്മരണവും യൂത്ത് ടാലന്റ് ഫെസ്റ്റും

പയ്യന്നൂർ: രാമന്തളി മണ്ഡലം യൂത്ത് കോൺഗ്രസ് കമ്മിറ്റിയുടെ നേതൃത്വത്തിൽ സജിത്ത് ലാൽ അനുസ്മരണവും എസ്.എസ്.എൽ.സി, പ്ലസ് ടു ഉന്നത വിജയികൾക്ക് യൂത്ത് ടാലന്റ് ഫെസ്റ്റും സംഘടിപ്പിച്ചു. മഹാത്മ മന്ദിരത്തിൽ യൂത്ത് കോൺഗ്രസ് കണ്ണൂർ ജില്ല പ്രസിഡന്റ് വിജിൽ മോഹനൻ ഉദ്ഘാടനം ചെയ്തു. മണ്ഡലം യൂത്ത് കോൺഗ്രസ് പ്രസിഡന്റ് കെ.എ. നിതിൻ അദ്ധ്യക്ഷത വഹിച്ചു. യൂത്ത് കോൺഗ്രസ് പയ്യന്നൂർ നിയോജക മണ്ഡലം പ്രസിഡന്റ് നവനീത് നാരായണൻ, ബ്ലോക്ക് കോൺഗ്രസ് പ്രസിഡന്റ് കെ. ജയരാജ്, മണ്ഡലം കോൺഗ്രസ് പ്രസിഡന്റ് വി.വി. ഉണ്ണികൃഷ്ണൻ, ബ്ലോക്ക് കോൺഗ്രസ് വൈസ് പ്രസിഡന്റ് പി.വി. സുരേന്ദ്രൻ, മഹിള കോൺഗ്രസ് ജില്ലാ സെക്രട്ടറി കോമളവല്ലി, പഞ്ചായത്തംഗം പി.പി. നാരായണി, കണ്ടത്തിൽ ഉമ്മർ, അഞ്ജലി രാജേന്ദ്രൻ സംസാരിച്ചു. പി.വി ഉമേഷ് സ്വാഗതവും സംഗീത ലക്ഷ്മണൻ നന്ദിയും പറഞ്ഞു.