കൈകോർത്ത് മമ്മൂട്ടി കമ്പനിയും ആശിർവാദ് സിനിമാസും, മോഹൻലാൽ  ചിത്രത്തിൽ  മമ്മൂട്ടി

മമ്മൂട്ടി കമ്പനിയും ആശിർവാദ് സിനിമാസും കൈകോർക്കുന്നു. ആശിർവാദ് സിനിമാസിന്റെ സാരഥി ആന്റണി പെരുമ്പാവൂർ സമൂഹമാധ്യമത്തിലൂടെ അറിയിച്ചതാണ്.ആശിർവാദ് സിനിമാസ് ഉടൻ നിർമ്മിക്കുന്ന മോഹൻലാൽ ചിത്രത്തിൽ മമ്മൂട്ടി അഭിനയിക്കും.24 വർഷം മുൻപ് മോഹൻലാൽ നായകനായി ആശിർവാദ് സിനിമാസ് നിർമ്മിച്ച് ഷാജി കൈലാസ് സംവിധാനം ചെയ്ത സൂപ്പർ ഹിറ്റ് ചിത്രം നരസിംഹം സിനിമയിൽ മമ്മൂട്ടി അഭിനയിച്ചിരുന്നു.മമ്മൂട്ടിയുടെ നന്ദഗോപാൽ മാരാർ എന്ന വക്കീൽ കഥാപാത്രം പ്രേക്ഷകരെ ആവേശഭരിതരാക്കിയിരുന്നു.

മലയാളത്തിലെ പ്രമുഖ നിർമ്മാണ കമ്പനികൾ ഒരുമിക്കുന്നതിനാൽ ഇരുവരുടെയും ആരാധകർ ആവേശത്തിലാണ്. റോഷാക്കാണ് മമ്മൂട്ടി കമ്പനി നിർമ്മിച്ച ആദ്യ ചിത്രം.

മമ്മൂട്ടി കമ്പനിയുടെ ചിത്രങ്ങളിൽ മമ്മൂട്ടിയും ആശിർവാദ് സിനിമാസിന്റെ ചിത്രങ്ങളിൽ മോഹൻ ലാലുമാണ് നായകൻമാർ. ഇരു താരങ്ങളും ഒരുമിച്ചും അല്ലാതെയുമുള്ള വമ്പൻ സിനിമകളാണ് രണ്ടു ബാനറിന്റെയും സംയുക്ത സംരംഭമായി ആരാധകർ പ്രതീക്ഷിക്കുന്നത്.

മമ്മൂട്ടി കമ്പനിയും ആശിർവാദ് സിനിമാസും ഒരുമിക്കുന്ന സിനിമയെക്കുറിച്ച് കൂടുതൽ വിവരങ്ങൾ വൈകാതെ പ്രതീക്ഷിക്കാം. നരസിംഹം എന്ന ചിത്രത്തിലൂടെയാണ് ആശിർവാദ് സിനിമാസ് നിർമ്മാണ രംഗത്തേക്ക് എത്തുന്നത്.

36 ചിത്രങ്ങൾ നിർമ്മിച്ചു. ഇതിൽ പ്രണവ് മോഹൻലാൽ നായകനായി അരങ്ങേറ്റം കുറിച്ച ആദി എന്ന ചിത്രത്തിൽ മോഹൻലാൽ അതിഥി വേഷത്തിലും പ്രത്യക്ഷപ്പെട്ടു.