കൊല്ലം: മുൻവിരോധത്തിൽ യുവാവിനെ സംഘം ചേർന്ന് മാരകായുധങ്ങൾ ഉപയോഗിച്ച് മർദ്ദിച്ച് പരിക്കേൽപ്പിച്ചവർ പിടിയിൽ. കയ്യാലക്കൽ തേജസ് നഗർ 76 ഫാത്തിമ മൻസിലിൽ സെയ്തലി (26), വടക്കേവിള മണക്കാട് അൽത്താഫ് മൻസിലിൽ അസറുദ്ദീൻ (26), കയ്യാലക്കൽ തേജസ് നഗർ 60 ൽ സനോജ് മൻസിലി സുൽഫിക്കർ (35), തട്ടാമല, ഹസീന മൻസിലിൽ റോഷൻ (23) എന്നിവരാണ് ഇരവിപുരം പൊലീസിന്റെ പിടിയിലായത്. കയ്യാലക്കൽ സ്വദേശി സനീറിനെയാണ് (44) പ്രതികൾ മർദ്ദിച്ച് അവശനാക്കിയത്. പ്രതികളായ അസറുദ്ദീനെയും മാഹീനെയും വാഹന മോഷണ കേസിൽ പൊലീസ് അറസ്റ്റ് ചെയ്യാൻ ഇടയാക്കി എന്ന വിരോധമാണ് അക്രമത്തിലേക്ക് നയിച്ചത്. കഴിഞ്ഞ വെള്ളിയാഴ്ച രാത്രി 9.30ന് ഇരവിപുരം നിവ്യ ജംഗ്ഷന് സമീപം, ബൈക്കിൽ വരികയായിരുന്ന സനീറിനെ പ്രതികൾ കമ്പിവടിയും മറ്റ് മാരകായുധങ്ങളുമായി തടഞ്ഞുനിറുത്തി ആക്രമിച്ചുവെന്നാണ് കേസ്. മർദ്ദനത്തിൽ സനീറിന്റെ നാല് വിരലുകൾക്ക് പൊട്ടൽ സംഭവിക്കുകയും ശരീരമാസകലം പരിക്കേൽക്കുകയും ചെയ്തു. പരിക്കേറ്റ് അവശനായ സനീറിനെ വഴിയരികിൽ ഉപേക്ഷിച്ച് കടന്ന സംഘം ഒന്നര പവൻ മാലയും പോക്കറ്റിൽ ഉണ്ടായിരുന്ന 52,000 രൂപയും മോഷ്ടിച്ചുവെന്നും പരാതിയുണ്ട്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |