ഡ്രൈ ഡേ വില്പനയ്ക്ക് സൂക്ഷിച്ച മദ്യം പിടിയിൽ

കോതമംഗലം: ഡ്രൈ ഡേ ദിവസം വില്പനയ്ക്ക് സൂക്ഷിച്ചിരുന്ന ഇന്ത്യൻ നിർമ്മിത വിദേശ മദ്യവും വില്പനക്കാരനും പിടിയിൽ. കോതമംഗലം എക്സൈസ് സർക്കിൾ ഇൻസ്പെക്ടറും സംഘവും നടത്തിയ പരിശോധനയിലാണ് ടൗൺ ഭാഗത്ത് മദ്യ വില്പന നടത്തിയിരുന്ന കരിങ്ങഴ മോളത്തുകുടി അനീഷിനെ(40)യാണ് പിടികൂടിയത്.

ഡ്രൈ ഡേയും കോതമംഗലം ചെറിയ പള്ളി കന്നി 20 പെരുന്നാളുമായി ബന്ധപ്പെടുത്തി പരിശോധന നടത്തുകായിരുന്നു എക്സൈസ് സംഘം. ആലുവ- മൂന്നാർ റോഡിൽ ധർമ്മഗിരി ജംഗ്ഷനിൽ എച്ച്.പി പെട്രോൾ പമ്പിന് പിറകിലുള്ള പാർക്കിംഗ് ഗ്രൗണ്ടിൽ കാറിൽ മദ്യം സൂക്ഷിച്ച് വില്പന നടത്തുകയായിരുന്നു ഇയാൾ. 20.750ലിറ്റർ ഇന്ത്യൻ നിർമ്മിത വിദേശമദ്യവും മാരുതി സിഫ്റ്റ് കാറും 30,190 രൂപയും കണ്ടെടുത്തു. പ്രതിയെ കോതമംഗലം കോടതിയിൽ ഹാജരാക്കി റിമാൻഡ് ചെയ്തു. എക്സൈസ് സർക്കിൾ ഇൻസ്പെക്ടർ രാജേഷ് ജോണിന്റെ നേതൃത്വത്തിലായിരുന്നു പരിശോധന.