ഇന്ന് പൊതുഅവധി, മൂന്നു ദിവസം ദുഃഖാചരണം

തിരുവനന്തപുരം: മുൻ മുഖ്യമന്ത്രി വി.എസ്. അച്യുതാനന്ദന്റെ നിര്യാണത്തിലുള്ള ആദരസൂചകമായി സംസ്ഥാനത്തെ സർക്കാർ ഓഫീസുകൾക്കും പ്രൊഫഷണൽ കോളേജ് ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കും ഇന്ന് അവധി പ്രഖ്യാപിച്ചു. പൊതുമേഖല സ്ഥാപനങ്ങൾ, സ്റ്റാറ്റ്യൂട്ടറി സ്ഥാപനങ്ങൾ, നെഗോഷ്യബിൾ ഇൻസ്ട്രുമെന്റ്സ് ആക്ട് പ്രകാരമുള്ള സ്ഥാപനങ്ങൾ (ബാങ്കുകൾ ഉൾപ്പെടെ) എന്നിവയ്ക്കും അവധിയാണ്. ഇന്നു മുതൽ മൂന്നു ദിവസമാണ് ഔദ്യോഗിക ദുഃഖാചരണ. മൂന്നു ദിവസവും ദേശീയ പതാക ആദരസൂചകമായി താഴ്ത്തിക്കെട്ടും.