ബസിൽ ശുചിത്വമില്ല: അസി. ഡിപ്പോ എൻജിനി​യർക്കെതിരെ നടപടി

ആലുവ: കെ.എസ്.ആർ.ടി.സി ബസിൽ ശുചിത്വമില്ലായ്മ കണ്ടെത്തിയതിനെ തുടർന്ന് ആലുവ അസി. ഡിപ്പോ എൻജിനി​യർക്കെതിരെ നടപടി. സി.എം.ഡി സ്ക്വാഡ് നടത്തിയ പരിശോധനയിലാണ് എ.ഡി.ഇ കെ.ടി. ബൈജുവിനെ അഞ്ച് ദിവസത്തേക്ക് നിർബന്ധിത തിരുത്തൻ പരിശീലനത്തിനായി തിരുവനന്തപുരം സ്റ്റാഫ് ട്രെയിനിംഗ് സെന്റിറി​ലേക്ക് അയച്ചത്. സ്വിഫ്റ്റ് സൂപ്പർഫാസ്റ്റ് ബസിൽ രണ്ടാമതും നടത്തിയ പരിശോധനയിൽ കണ്ടെത്തിയ ശുചിത്വമില്ലായ്മയിലാണ് നടപടി. നേരത്തെ പരിശോധന നടത്തിയപ്പോഴും ശുചിത്വമില്ലായ്മ കണ്ടെത്തിയിരുന്നു. 64 ബസുകളാണ് ആലുവ ഡിപ്പോയിൽ ഉള്ളത്. ഇവ വൃത്തിയാക്കുന്നതിന് രണ്ട് താത്‌കാലി​ക ജീവനക്കാരാണുള്ളത്.